| e-texts navigator |
| Wylie |
253b1 ནི་དོན་དམ་པར་ན་གང་གིས་ལུང་བསྟན་པ་འམ།། གང་གིས་བྱང་ཆུབ་བམ་གང་ལུང་བསྟན་པར་བྱ་བ་འམ། གང་གིས་ལུང་བསྟན་པ་འམ། ཅིས་ལུང་བསྟན་པ་ཅི་ཡང་མི་དམིགས་སོ།། ཀླུའི།
253b2 བདག་པོ་དེ་ཅིའི་ཕྱིར་ཞེ་ན། ཆོས་ཐམས་ཅད་ནི་དངོས་པོ་མེད་པ་སྟེ། རྩ་བ་ནས་ཡོངས་སུ་ཆད་པའི་ཕྱིར་རོ།། ཆོས་ཐམས་ཅད་ནི་བདག་པོ་མེད་པ་སྟེ། རྒྱུ་དང་རྐྱེན་རྣམས་ལས་འབྱུང་བའི
253b3 ཕྱིར་རོ།། ཆོས་ཐམས་ཅད་ནི་གཟུང་དུ་མེད་པ་སྟེ། ངོ་བོ་ཉིད་མེད་པའི་མཚན་ཉིད་ཡིན་པའི་ཕྱིར་རོ།། ཆོས་ཐམས་ཅད་ནི་ངོ་བོ་ཉིད་མེད་པ་སྟེ། བྲལ་བ་མེད་པའི་མཚན་ཉིད་ཡིན་པའི་ཕྱིར
253b4 རོ།། ཆོས་ཐམས་ཅད་ནི་མ་འོངས་པ་སྟེ། སྔོན་གྱི་མཐའ་ནས་མ་འཕོས་པའི་ཕྱིར་རོ།། ཆོས་ཐམས་ཅད་ནི་མེད་པར་གྱུར་པ་སྟེ། ཕྱི་མའི་མཐར་མི་འབྱུང་བའི་ཕྱིར་རོ།། ཆོས་ཐམས་ཅད་ནི
253b5 མི་གནས་པ་སྟེ། གནས་མི་དམིགས་པའི་ཕྱིར་རོ།། ཆོས་ཐམས་ཅད་ནི་མི་དམིགས་པ་སྟེ། བྱེད་པ་མེད་པའི་ཕྱིར་རོ།། ཆོས་ཐམས་ཅད་ནི་བྱེད་པ་མེད་པ་སྟེ། ལུས་མེད་པའི་ཕྱིར་རོ།། ཆོས
253b6 ཐམས་ཅད་ནི་ལུས་མེད་པ་སྟེ། གནས་མེད་པའི་ཕྱིར་རོ།། ཆོས་ཐམས་ཅད་ནི་གནས་མེད་པ་སྟེ། རྟེན་མེད་པའི་ཕྱིར་རོ།། ཆོས་ཐམས་ཅད་ནི་རྟེན་མེད་པ་སྟེ། མི་གཡོ་བའི་ཕྱིར་རོ།། ཆོས
253b7 ཐམས་ཅད་ནི་མི་གཡོ་བ་སྟེ། མི་གནས་པའི་ཕྱིར་རོ།། ཆོས་ཐམས་ཅད་ནི་མི་གནས་པ་སྟེ་བེམས་པོ་ཡིན་པའི་ཕྱིར་རོ།། ཆོས་ཐམས་ཅད་ནི་བེམས་པོ་ཡིན་ཏེ། ངོ་བོ་ཉིད་མེད་པའི་ཕྱིར་རོ།།
iiif viewer powered by OpenSeadragon
