| e-texts navigator |
| Wylie |
247a1 བྱིན་ན། ལོངས་སྤྱོད་ཆེ་བར་འགྱུར་ཞིང་། ཚིག་བཙུན་པར་འགྱུར་ལ། ཚིག་སུན་དབྱུང་དུ་མེད་པར་ཡང་འགྱུར་རོ།། བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང
247a2 འཁོར་བ་མགུ་བར་སུ་ཡང་མི་འགྲོའོ།། ཚིགས་ཁྱལ་པ་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན། ལོངས་སྤྱོད་ཆེ་བར་འགྱུར་ཞིང་། ཚིག་མཉན་པར་ཡང་འགྱུར་རོ།། བྱང་ཆུབ་སེམས
247a3 དཔའི་སྤྱད་པ་སྤྱོད་པ་ན་ཡང་། ཐེ་ཙོམ་ཐམས་ཅད་གཅོད་པ་ལ་མཁས་པར་འགྱུར་རོ།། བརྡབ་སེམས་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ནས་ལོངས་སྤྱོད་ཆེ་བར་འགྱུར་ཞིང་ག་ལོངས་སྤྱོད་དང
247a4 ཡོངས་སུ་སྤྱོད་པ་རྒྱ་ཆེན་པོ་དག་ལ། དེའི་སེམས་འཇུག་པར་འགྱུར་རོ།། བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་། རྒྱ་ཆེན་པོ་ལ་མོས་ཤིང། དབང་ཆེ་བར་གྲགས་པར་འགྱུར་རོ།། གནོད་སེམས
247a5 སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན། ལོངས་སྤྱོད་ཆེ་བར་འགྱུར་ཞིང་། མཛེས་པ་དང་། སྐྱེ་བོ་མང་པོ་དགའ་ཞིང་ཡིད་དུ་འོང་བར་ཡང་འགྱུར་རོ།། བྱང་ཆུབ་སེམས་དཔའི་སྤྱད་པ་སྤྱོད་པ་ན
247a6 ཡང་བློ་ཐོགས་པ་མེད་ཅིང་། སེམས་ཐོགས་པ་མེད་ལ་དབང་པོ་མ་ཚང་བ་མེད་པར་འགྱུར་རོ།། ལོག་པར་ལྟ་བ་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན། ལོངས་སྤྱོད་ཆེ་བར་འགྱུར་ཞིང
247a7 སངས་རྒྱས་ལ་དད་པ་དང་ཡང་དག་པར་ལྟ་བའི་ཁྱིམ་དུ་སྐྱེའོ།། བྱང་ཆུབ་སེམས་དཔའི་སྤྱད་པ་སྤྱོད་པ་ར་ཡང་། སངས་རྒྱས་ལ་ལྟ་བ་དང་། ཆོས་ཉན་པ་དང་། དགེ་འདུན་ལ་བསྙེན་བཀུར་བྱེད་པ་དང་།
iiif viewer powered by OpenSeadragon
