| e-texts navigator |
| Wylie |
242b1 དང་བ་དགེ་བ་དང་། མི་དགེ་བའི་རྩ་བའི་ལུས་དང་། ངག་དང་། ཡིད་ཀྱི་ལས་སྣ་ཚོགས་ཀྱི་སྣ་ཚོགས་སུ་བྱས་པ་དག་སྟེ། ཀླུའི་བདག་པོ་དེ་ལྟ་བས་མཇེད་ཀྱིས་ལུས་བདག་གིར་བྱ
242b2 བ་དང་། ལས་ཀྱི་རྣམ་པར་སྨིན་པ་ལ་རྟེན་པར་འགྱུར་བ་དེ་ལྟར་སློབས་ཤིག་དང་། ལས་བདག་གིར་བྱ་བ་དང་། ལས་ཀྱི་རྣམ་པར་སྨིན་པ་ལ་རྟོག་པ་ཁྱེད་དགེ་བའི་ལས་མངོན་པར
242b3 འདུ་བྱ་བ་དག་ལ་བློ་འཇུག་པར་འགྱུར་རོ།། ལྟ་བ་ཆུད་གཟོན་པར་བྱེད་པར་མི་འགྱུར་རོ།། ཆར་པ་དང་། རྟག་པར་ལྟ་བ་ལ་གནས་པར་ཡང་མི་འགྱུར་རོ།། ཁྱེད་ཀྱིས་སྦྱིན་པའི
242b4 གནས་མཉེས་པར་གྱིས་ཤིག། མཉེས་པར་བྱས་ནས་ཀྱང་ཐུགས་དབྱུང་བར་མ་བྱེད་ཅིག། བཀུར་སྟིའི་རྒྱུ་ལས་བྱུང་བའི་དགེ་བ་མངོན་པར་འདུ་བྱེད་པས་ཀྱང་ལྷ་དང་བཅས་པའི་འཇིག
242b5 རྟེན་གྱི་བཀུར་སྟིའི་གནས་སུ་འགྱུར་བར་གྱིས་ཤིག།། བམ་པོ་ལྔ་པ།། ཀླུའི་བདག་པོ་བྱང་ཆུབ་སེམས་དཔའ་རྣམས་ཀྱི་ཆོས་གཅིག་གིས
242b6 ངན་སོང་ངན་འགྲོ་ལོག་པར་ལྷུང་བར་སྐྱེ་བ་ཡང་དག་པར་གཅོད་དོ།། ཆོས་གཅིག་པོ་དེ་གང་ཞེ་ན། འདི་ལྟ་སྟེ། བདག་ཇི་ལྟར་གྱུར་ཅིང་ཉིན་མཚན་རྣམས་འདའ་ཞིང་འདུག་སྙམ་དུ། དགེ
242b7 བའི་ཆོས་རྣམས་ལ་སོ་སོར་རྟོག་པ་སྟེ། དེ་དགེ་བའི་ཆོས་ལ་སོ་སོར་རྟོག་པ་མང་བས་མི་དགེ་བའི་སེམས་དང་སེམས་ལས་བྱུང་བའི་ཆོས་རྣམས་ཀྱི་གོ་སྐབས་མི་འབྱེད་དོ།། དེ་མི་དགེ་པའི་ཆོས་སྤང
iiif viewer powered by OpenSeadragon
