| e-texts navigator |
| Wylie |
239b1 ལས་བྱུང་ཚུལ་ཁྲིམས་མཛེས་དང་ལྡན།། བཟོད་པའི་སྟོབས་ལས་བྱུང་བ་བྱམས་པ་བསྒོམས།། བརྩོན་འགྲུས་ལས་བྱུང་དོན་གྱི་རྒྱ་མཚོ་ལགས།། བསམ་གཏན་རྣམས་ཐར་དགྱེས་པ་ཁྱོད་ཕྱག
239b2 འཚལ།། ཤེས་རབ་འོད་ལྡན་དགོངས་པ་རྣམ་པར་དག། འོད་རང་གཟི་བརྗིད་དཔལ་གྱི་མངོན་པར་བརྒྱན།། རྣམ་པར་གྲོལ་བ་མངོན་སུམ་སྦྱོར་མཛད་པ།། ཐུབ་པ་ཉོན་མོངས་བསལ་ལ
239b3 ཕྱག་འཚལ་ལོ།། བརྟུལ་ཞུགས་ཤིན་ཏུ་རྫོགས་པ་བརྟུལ་ཞུགས་མཆོག། དཀའ་ཐུན་མཐར་ཕྱིན་རྟོགས་པར་ཐུགས་སུ་ཆུད།། རིག་ནི་སྦྱིན་པར་མཛད་ཅིང་མིག་སྐྱོང་བ།། འགྲོ་བ་ཀུན
239b4 ཏུ་རྒྱུ་བ་འགྲོ་བའི་མཆོག། དོན་དམ་ཟབ་མོ་ཤིན་ཏུ་སྦྱོར་བ་པོ།། གཞན་ལ་ཕན་པ་ཟླ་མེད་ཐུགས་སུ་ཆུད་།། ཆགས་པ་མེད་པར་ཚིག་གི་དོན་སྟོན་པ།། གཞན་ལ་ཕན་པ་ཟླ་མེད་འོང་མཛད
239b5 པ།། དུས་སྐབས་མཁྱེན་པ་ཀུན་ཏུ་སྟོན་པ་པོ།། རྒོལ་བ་ངན་པའི་ཚོགས་ཀུན་རབ་འཇོམས། ཡོན་ཏན་རྒྱ་མཚོ་བསོད་ནམས་མི་ཟད་པ།། བརྟུལ་ཞུགས་ཡོངས་སུ་རྫོགས་པ་བརྟུལ
239b6 ཞུགས་མཆོག། བདུད་རྩིའི་བདེ་སྐྱིད་བདེ་བ་སྦྱིན་མཛད་པ།། རམ་མཁའ་འདྲ་ཞིང་དགོངས་པ་དག་པ་སྟེ། དྲི་མ་ཀུན་སེལ་རྣམ་པར་འདྲེན་པ་པོ།། ཡོན་ཏན་རྒྱ་མཚོ་བསོད་ནམས་མི
239b7 ཟད་པ།། རྒྱ་མཚོར་འཇུག་པ་ཡེ་ཤེས་རྒྱ་མཚོར་ལྡན།། ཆོས་ཀྱི་དབང་ཕྱུག་ཉོན་མོངས་སེལ་མཛད་པ། ཆོས་ཀྱི་སྤྱིར་བདག་སེར་སྔ་མི་མངའ་བ།། ཆོས་ཀྱི་རིན་ཆེན་ནོར་མཆོག་སྦྱིན
iiif viewer powered by OpenSeadragon
