| e-texts navigator |
| Wylie |
237a1 རས་ལངས་ཏེ། ཀླུའི་རྒྱལ་པོ་རྒྱ་མཚོས་ཐེམ་སྐས་ཀྱི་རིམ་པ་བཤམས་པ་ག་ལ་བ་དེར་དོང་སྟེ་ལྷགས་རས། ཐེམ་སྐས་དབུས་མ་ལ་རི་བཅོམ་ལྡན་འདས་བཞུགས
237a2 སོ།། གཡས་རོལ་ན་ནི་བྱང་ཆུབ་སེམས་དཔའ་རྣམས་འཁོད་དོ།། གཡོར་རོལ་ར་ནི་ཉན་ཐོས་ཆེན་པོ་རྣམས་འཁོད་དོ།། མདུན་ལོགས་ན་ནི་བརྒྱ་བྱིན་བྱེ་བ་ཕྲག་དྲུག་ཅུ་ལག་པ་གཡས་པས
237a3 ལམ་མཚོན་པར་བྱེད་དོ།། ཚངས་པ་བྱེ་བ་དྲུག་ཅུ་རི་ན་མ་མཁའི་དཀྱིལ་ན་འཁོད་དེ། བཅོམ་ལྡན་འདས་ལ་རིན་པོ་ཆེའི་གདུགས་རྣམས་འཛིན་ཏོ།། ལྷ་བྱེ་བ་ཕྲག་དྲུག་ཅུ་རི་བཅོམ་ལྡན་འདས་ཀྱི
237a4 སྣམ་ལོགས་ན་འཁོད་དེ། མེ་ཏོག་གི་ཆར་འབེབས་སོ།། འདོད་པ་ན་སྤྱོད་པའི་ལྷའི་བུ་རྣམས་ནི། བཅོམ་ལྡན་འདས་ལ་མཆོད་པའི་ལས་བྱ་བའི་ཕྱིར། སིལ་སྙན་བྱེ་བ་ཕྲག་དྲུག་ཅུ་དཀྲོལ་བར་བྱེད།
237a5 དེ། ལྷའི་བུ་མོ་བྱེ་བ་ཕྲག་དྲུག་ཅུ་ནི་བཅོམ་ལྡན་འདས་ཀྱི་ཤུལ་སྤོས་ཆུའི་ཆག་ཆག་འདེབས་སོ།། ཀླུའི་བུ་མོ་བྱེ་བ་ཕྲག་དྲུག་ཅུ་ནི་ནམ་མཁའི་དཀྱིལ་ན་འཁོད་དེ། རོ་སྟོད་ཁེབས་པའི་མུ་ཏིག
237a6 གི་འཕྲེང་བ་དག་འཕྱང་བར་བྱེད་དོ།། མི་འམ་ཅི་བྱེ་བ་ཕྲག་དྲུག་ཅུ་ནི་བཅོམ་ལྡན་འདས་ལ་ཚིགས་སུ་བཅད་པ་བརྗོད་པས་སྟོད་པར་བྱེད་དོ།། དྲི་ཟ་བྱེ་བ་ཕྲག་དྲུག་ཅུ་ནི་བཅོམ་ལྡན་འདས
237a7 ཀྱི་སྤྱན་སྔ་ན། མེ་ཏོག་གྱི་འཕྲེང་བ་རྣམས་འཕྱང་བར་བྱེད་དོ།། ལྷ་མ་ཡིན་བྱེ་བ་ཕྲག་དྲུག་ཅུ་ནི་རས་བཅོས་བུ་ཁ་དོག་སྣ་ཚོགས་སྟོང་གིས། བཅོམ་ལྡན་འདས་ལ་འགབས་པར་བྱེད་དོ།།
iiif viewer powered by OpenSeadragon
