| e-texts navigator |
| Wylie |
233b1 བདག་གིས་དེ་བཞིར་གཤེགས་པ་སང་གདུགས་ཚོད་གསོལ་བར་སྦྱ་ར་དྲངས་ཏེ། དེས་ཀྱང་བདག་ལ་ཐུགས་བརྩེ་བའི་ཕྱིར་གནང་གིས། དེར་ཁྱེད་ཀུན་གྱི་ཀྱང་ལྷན་ཅིག་ཏུ་འཐུན་པ་དང་། ཡང་།
233b2 དག་པར་དགའ་བ་དང་དེ་བཞིན་གཤེགས་པ་ལ་མཆོད་པ་དང་། བསྙེན་བཀུར་ལ་བརྩོན་པ་གྱིས་ཤིག། དེ་ནས་ཀླུའི་རྒྱལ་པོ་རྒྱ་མཚོས།། ལྷ་མ་ཡིན་གྱི་དབང་པོ་སྤྲུག་ཅར
233b3 དང་། ལྷ་མ་ཡིན་གྱི་དབང་པོ་བདེ་མཆོག་དང་། སིམ་བྱེད་དང་ཐག་བཟངས་རིས་ལ་སྨྲས་པ། གྲོགས་པོ་དག་ཤེས་པར་གྱིས་ཤིག། དེ་བཞིན་གཤེགས་པ་རྒྱ་མཚོ་ཆེན་པོ་འདིར་གཤེགས
233b4 ཀྱིས་དེར་ཁྱེར་འཁོར་དང་བཅས་པ་ཐམས་ཅད། བཅོམ་ལྡན་འདས་ལ་མཆོད་པའི་ལས་བྱ་བའི་ཕྱིར་བདག་གིས་སྐབས་ཕྱེ་བ་ལགས་ཀྱིས་བདག་གི་གནས་སུ་སྤྱོན་ཅིག
233b5 དེ་ནས་ཀླུའི་རྒྱལ་པོ་རྒྱ་མཚོས། ཀླུའི་རྒྱལ་པོ་འཇོག་པོ་དང་། ཁ་དོག་མཐའ་ཡས་པ་དང་། དྲི་མ་མེད་པ་དང་། འོད་ཅར་དང་། རྣམ་པར་རྩེ་བ་དང་། བཀོད་པ་དང་ལག་ན་རྡོ་རྗེ་དང་།
233b6 བྱ་དང་། ཁ་དོག་ཐམས་ཅད་སྟོན་པ་དང་། ཙན་དན་གྱི་རྣམ་པ་དང་། དེ་ལས་སོགས་པའི་ཀླུའི་རྒྱལ་པོ་འབུམ་ཕྲག་དུ་མ་ལ་སྨྲས་པ། གྲོགས་པོ་དག་ཁྱེད་ཅག་ཐམས་ཅད་ཀྱང་དེ
233b7 བཞིན་གཤེགས་པ་ལ་བལྟ་བ་དང་། ཕྱག་བྱ་བ་དང་བསྙེན་བཀུར་བྱ་བའི་ཕྱིར། བདག་གི་གནས་སུ་སྤྱོན་ཅིག། དེ་རས་ཀླུའི་རྒྱལ་པོ་རྒྱ་མཚོས་གཞོན་ནུ་དཔལ་གྱི་གཟི
iiif viewer powered by OpenSeadragon
