| e-texts navigator |
| Wylie |
231a1 དག་ཅིང་བརྟན་པ་དེ་ཡང་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། ཉམས་དགའ་བར་འགྱུར་ལ། སྐྱེ་བོ་མང་པོ་དང་། ལྔ་དང་མི་རྣམས་ཀྱིས
231a2 གང་བར་འགྱུར་ཏེ། དཔེར་ན་འཐབ་བྲལ་གྱི་ལྷ་རྣམས་ཀྱིས་ཉེ་བར་སྤྱད་པ་དང་། ལོངས་སྤྱོད་པ་ཇི་ལྟ་བ་བཞིན་དུ་ག་དེ་ན་མི་རྣམས་ཀྱི་ཡང་དེ་དང་འདྲ་བར་འགྱུར་རོ།། དེ་བཞིན་གཤེགས་པ
231a3 དེའི་ཚེའི་ཚད་ཀྱང་ལོ་ཁྲི་ཐུབ་པར་འགྱུར་རོ།། དེའི་ཉན་ཐོས་ཀྱི་དགེ་འདུན་ནི་བྱེ་བ་ཟག་དྲུག་ཅུ་ཡོད་དོ།། བྱང་ཆུབ་སེམས་དཔའི་དགེ་འདུན་ནི་འབུམ་ཕྲག་བཅུ་གཉིས་འདུ་བར་འགྱུར་རོ།
231a4 ཀུན་དགའ་བོ་དེ་བཞིན་གཤེགས་པ་མཐོང་བ་དོར་ཡོད་དེ་སེམས་ཅན་གང་དག་གི་མིག་སྔར་སྣང་བ་དེ་དག་ཀྱང་མཐོང་བའི་མོད་ལ། བྱམས་པའི་རྣམ་པའི་ཏིང་ངེ་འཛིན་ཐོབ་པར་འགྱུར་རོ།། ཀུར་དགའ
231a5 དེ་བཞིན་གཤེགས་པ་མཐོང་བ་དོན་ཡོད་ནི། མཐོང་བའི་མོད་ལ་སེམས་ཅན་རྣམས་འདུལ་བར་འགྱུར་རོ།། དེ་ལ་ཉན་ཐོས་ཀྱི་ཐེག་པ་པར་འགྱུར་བ་གང་དག་ཡིན་པ་དེ་དག་ནི། དང་པོ་མཐོང་བས
231a6 རྒྱུན་ཏུ་ཞུགས་པར་འགྱུར་རོ།། ལང་གཉིས་མཐོང་བས་ནི་ལན་ཅིག་ཕྱིར་འོངས་པའི་འབྲས་བུ་ཐོབ་པར་འགྱུར་རོ།། ལན་གསུམ་མཐོང་བས་ནི་ཕྱིར་མི་འོང་བའི་འབྲས་བུ་ཐོབ་འགྱུར་རོ།། ལན།
231a7 བཞི་མཐོང་བས་དེ་དགྲ་བཅོམ་པ་ཉིད་ཐོབ་པར་འགྱུར་རོ།། བྱང་ཆུབ་སེམས་དཔའི་ཐེག་པ་པར་འགྱུར་བ་གང་དག་ཡིན་པ་དེ་དག་རི། དེ་བཞིན་གཤེགས་པ་མཐོང་བ་དོན་ཡོད་དེ་མཐོང་བའི་མོད
iiif viewer powered by OpenSeadragon
