| e-texts navigator |
| Wylie |
230b1 ཡོར་ཏན་མངའ་བ་བདག་ལ་བཀའ་སྩོལ་ཅིག། ལྷ་དང་མི་རྣམས་ཁྲག་ཁྲིག་ཉན་ཅིང་མཆིས།། ཐོས་ན་ཡིད་ནི་རབ་ཏུ་དགའ་འགྱུར་ཞིང་ཀ་ཐམས་ཅད་མཁྱེན་པའི་དགོངས་པ་བགྱིད།
230b2 པར་འགྱུར།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས།། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་ཁྱོད་ཀྱིས་ཀླུའི་རྒྱལ་པོ
230b3 བུ་དཔལ་གྱི་གཟི་བརྗིད་ངའི་མདུན་ན་འདུག་རས། ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་འདི་མཐོང་ངམ། གསོལ་པ། བཅོམ
230b4 ལྡན་འདས་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དཔལ་གྱི་གཟི་བརྗིད་འདི་རི།། བསྐལ་པ་གྲངས་མེད་པ་ཕྲག་བརྒྱད་བརྒྱར།། བསྐལ་པ་ཀུན་ཏུ་ལྟ་བ
230b5 ལ། འཇིག་རྟེན་གྱི་ཁམས་ཡོངས་སུ་དག་ཅིང་བརྟན་པར་དེ་བཞིན་གཤེགས་པ་མཐོང་བ་དོན་ཡོད་ཅེས་བྱ་བར་འགྱུར་ཏེ། འཇིག་རྟེན་དུ་འབྱུང་བར་འགྱུར་རོ།། ཀུན་དགའ་བོ་དཔལ་གྱི་གཟི
230b6 བརྗིད་འདི་ནི། བྱང་ཆུབ་སེམས་དཔའི་སྤྱོད་པ་དོན་ཡོད་པར་སྤྱོད་ཅིང་། སངས་རྒྱས་བཅོམ་ལྡན་འདས་ཚད་མེད་པ་མཉེས་པར་བྱས་ཏེ་མཆོད་པར་བྱས་ནས། རབ་ཏུ་འབྱུང་སྟེ། ཚངས་པར
230b7 སྤྱོད་པར་འགྱུར་རོ།། སེམས་ཅན་ཚད་མེད་པ་ཡང་ཐེག་པ་གསུམ་གྱིས་ཡོངས་སུ་སྨིན་པར་བྱེད་དོ།། ཀུར་དགའ་བོ་བཞིན་གཤེགས་པ་མཐོང་བ་དོན་ཡོད་ཀྱི་འཇིག་རྟེན་གྱི་ཁམས་ཡོངས་སུ
iiif viewer powered by OpenSeadragon
