| e-texts navigator |
| Wylie |
226a1 སོ་སོ་ཡང་དག་རིག་བཞི་རྗེས་སུ་རྟོགས།། དོན་ལ་རབ་བསླབས་ཆོས་ཉིད་ཆོག་ཤེས།། སྒྲ་དང་སྐད་དང་ངེས་པའི་ཚིགས་ལ་མཁས།། དེ་བཞིན་སྤོབས་པ་ཐོགས་མེད
226a2 ཚད་ཀྱང་མེད།། དེ་ནི་ཀུར་རྫོབ་དོན་དམ་ཤེས་པ་སྟེ།། དེ་བཞིར་སྣ་ཚོགས་ཟབ་མོ་བསྟར་པ་ཤེས།། དེ་ནི་ལུགས་འབྱུང་ལུགས་ལས་བཟློག་པའང་ཤེས།། མཐོ་དམར་འགྲོ་བ་རྣམས་ལའང
226a3 ཕ་མཐར་ཕྱིར།། སེམས་ཞུབ་པ་ན་རབ་ཏུ་འཛིན་ལ་མཁས།། དེ་བཞིར་ཁེངས་རྣམས་ཚར་གཅོད་ཤེས་ལ་མཁས།། བསྟན་པ་དག་འབྱ་བའི་ཚུལ་ཀུན་ཤེས།། ལུས་དང་ངག་དང་སེམས་ཀྱི་ལས
226a4 རྣམས་ལ།། ཤེས་པ་ཐོགས་མེད་རྣམ་པར་ངེས་པར་འཇུག། གཟུངས་དང་ལྡན་པ་ཚིག་ལ་འཁྲུལ་པ་མེད།། ཉེས་པ་སྤངས་ཤིང་བསྟན་པོར་གྱུར་པ་ཡིན།། སེམས་ཅན་འདུལ་གཟུངས་ཡིད་དང
226a5 དྲན་པ་ལ།། ཞུགས་པར་གྱུར་ན་ཆོས་ཤེས་ཞུགས་པ་སྟེ།། ཟོས་པ་གང་ཡིན་ནམས་ཀྱང་ཆུད་མི་ཟ།། ཇི་སྐད་ཐོས་པ་མཚུངས་པར་རིལ་གྱིས་འཛིན།། གཟུངས་ནི་ཆོས་ཉིད་འགལ་བ་མ་ཡིན་ལ།
226a6 དེ་ནི་ཆོས་ལ་ཞི་བའང་མ་ཡིན་ཏེ།། ཆོས་དང་ཤིན་ཏུ་མི་མཚུངས་མི་མཉམ་མཉམ།། ཆོས་ཉིད་སྦྱོར་དང་ལྡན་ཕྱིར་བཟོད་ནས་ཞི།། མི་ཟད་པའི་ཟ་མ་ཏོག་གི་གཟུངས་ཀྱི་སྦྱོར་བ་འདི་བསྟར་བ
226a7 དང་ཚིགས་སུ་བཅད་པ་མངོན་པར་བསྒྲུབ་པ་འདི་བསྟན་པ་ན། ཀླུའི་རྒྱལ་པོ་རྒྱ་མཚོའི་འཁོར་གྱི་ནང་ནས། ཀླུ་ཁྲི་ཉིས་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས
iiif viewer powered by OpenSeadragon
