| e-texts navigator |
| Wylie |
225b1 འཇོམས།། སེམས་ཅན་གཡོར་ཅར་གདུལ་དཀའ་ང་རྒྱལ་ཁེངས།། མངོར་པའི་ང་རྒྱལ་སྐྱོར་ལྡན་གང་ཡིན་པ།། དེ་དག་མཁས་པའི་ཆོས་ནི་ཐོབ་གྱུར་ན།། ང་རྒྱལ་སྤངས་ནས་རྐང་མཐིལ་འདུད།
225b2 པར་བྱེད།། ཆོས་ཀྱི་དབྱིངས་ནི་རང་བཞི་མ་ནི་བ་དང་།། དོན་རྟོགས་དང་ནི་ཆོས་ཉིད་ངེས་པར་ཤེས།། དེ་ཕྱིར་ཆོས་ནི་གཏར་ལ་འབེབས་པ་དང་།། ཡི་གེ་འབྱེད་ལ་དེ་ཡི་ཚིག་མི་ཟད།། སེམས
225b3 ཅན་རང་བཞིན་རྣམ་དག་ཆོས་ཀྱི་དབྱིངས།། དེ་བཞིར་བདག་ཉིད་རྣམ་དག་དེ་ཡིས་ཤེས།། དེ་ལྟར་སེམས་ཅན་དེ་བཞིན་ཉིད་ཤེས་པས།། དེ་ཡི་ཆོས་རྣམས་བརྟན་པ་ཐོགས་པ་མེད།། ཟ
225b4 པ་ནམ་ཡང་ཟད་པར་མི་ནུས་ལ།། མི་ཟད་པ་ཡང་ནམས་ཀྱང་ཟད་མི་འགྱུར།། ཆོས་ཉིད་རབ་ཞི་འདི་ནི་རྟོགས་ནས་ཀྱང་།། དེར་ནི་མདོ་སྡེ་བྱེ་བ་མཐའ་ཡས་སྟོན།། ཡི་གེ་འདི་དག་ལུས་ལ
225b5 མི་གནས་ཤིང་།། ཡིད་ལ་མི་གནས་སེམས་ལས་མ་བྱུང་སྟེ།། ཇི་ལྟར་བྲག་ཆའི་སྒྲ་ནི་ཐོས་པ་བཞིན།། ཡི་གེ་རྣམས་ཀྱི་རང་བཞིན་སྟོང་ཞིང་དབེན།། གཟུངས་འདི་ཡི་གེ་རྣམས་དང་སྒྲ
225b6 ལ་མེད།། ཚིག་གི་ལམ་དང་ལུས་དང་ངག་ལའང་མེད།། དེ་ལྟར་ཡི་གེའི་ཚུལ་རྣམས་རྟོགས་པ་ན།། སྨྲས་ཀྱང་དེ་ཡི་ཚིག་ནི་ཐོགས་མེད་པ།། དེ་ནི་སྟོན་ཀྱང་ཡིད་ལ་རྣམ་རྟོག་མེད།། སེམས།
225b7 ལའང་རློབ་སེམས་བྱེད་པ་ཡོང་མེད་དེ།། འོན་ཀྱང་ཆོས་འདི་རྟོགས་པར་བྱ་བའི་ཕྱིར།། ཆོས་ཉིད་རབ་ཏུ་འཐང་བའི་ཆོས་ཀྱང་སྟོན།། གང་ཚེ་དེ་ཡིས་གཟུངས་འདི་ཐོབ་གྱུར་ན།
iiif viewer powered by OpenSeadragon
