| e-texts navigator |
| Wylie |
216a1 གྱུར་ཏོ།། དེའི་ཉན་ཐོས་ཀྱི་དགེ་འདུར་ནི་ཚད་མེད་དོ།། ཀླུའི་བདག་པོ་དེའི་ཚེ་དེའི་དུས་ན། དེར་འཁོར་ལོས་སྒྱུར་བའི་རྒྱལ་པོ་གླིང་ཆེན་པོ་བཞིའི་དབང་ཕྱུག་གིས་རྒྱལ་པོ
216a2 བསོད་ནམས་མི་ཟད་པ་ཞེས་བྱ་བའི་བྱུང་སྟེ། རྒྱལ་པོ་བསོད་ནམས་མི་ཟད་པ་དེའི་བཙུན་མོ་བུད་མེད་ལྷ་མོ་དང་འདྲ་བ་ཁྲག་ཁྲིག་བརྒྱད་ཕྲག་བདུ་རྩི་བཞི་ཡོད་དེ། དེ་དག་གི་ནང་ན་དེའི་ཙུན་མོའི་དམ་པ་ནི
216a3 བཞི་ཡོད་པར་གྱུར་ཏོ།། འདི་ལྟ་སྟེ། དྲི་མ་མེད་པ་ཞེས་བྱ་བ་དང་། དྲི་མ་མེད་པའི་འོད་ཅེས་བྱ་བ་དང་། དག་པ་ཞེས་བྱ་དང་། དག་ལྡན་མ་ཞེས་བྱའོ།། དེའི་བུ་ཡང
216a4 བརྒྱད་ཁྲི་བཞི་སྟོང་ཡོད་དེ། ཚན་པོ་ཆེའི་སྟོབས་དང་ལྡན་ལ། མཚན་ཉི་ཤུ་རྩ་བརྒྱད་ཀྱི་གཟུགས་དང་ལྡན་པ། ཐེག་པ་ཆེན་པོ་ལ་ཞུགས་པ་ཤ་སྟག་གོ།། ཀླུའི་བདག་པོ་རྒྱལ་པོ་བསོད་ནམས
216a5 མི་ཟད་པ་དེ་ཡང་གྲོང་ཁྱེར་ཆེན་པོ་དགའ་འབྱུང་ཞེས་བྱ་བ་ན་གནས་སོ།། གྲོང་ཁྱེར་ཆེན་པོ་དེ་ཡང་། ཤར་དང་། ནུབ་དང་། བྱང་དང་། ལྷོའི་ངོས་རེ་ལ་དཔག་ཚད་དྲུག་ཅུ་རྩ་བཞི་ཡོད
216a6 པར་གྱུར་ཏོ།། བཅོམ་ལྡན་འདས་དེ་བཞིན་གཤེགས་པ་ཚངས་པའི་དཔལ་ལྷའི་རྒྱལ་པོ་ཡང་གྲོང་ཁྱེར་ཆེན་པོ་དགའ་འབྱུང་དེ་ཉིད་དུ་སྐུ་བལྟམ་མོ།། གྲོང་ཁྱེར་ཆེན་པོ་དེའི་ནང་དུ། རྒྱལ་པོ་བསོད་ནམས
216a7 མི་ཟད་པའི་ཕོ་བྲང་རིན་པོ་ཆེ་སྣ་བདུན་ལས་བྱས་པར་གྱུར་ཏོ།། གྲོང་ཁྱེར་ཆེན་པོ་དེའི་ནང་ན། ལམ་ཆེན་པོ་དང་། སྲང་གི་སྒོ་འབུམ་ཕྲག་བརྒྱད་ཅུ་རྩ་བཞི་ཡོད་པར་གྱུར་ཏོ།། ལམ་པོ་ཆེ་དང་། སྲང་གི
iiif viewer powered by OpenSeadragon
