| e-texts navigator |
| Wylie |
215b1 མགུ་བ་དང་ལྡན་པའི་སྒྲ་དེ་དག་འབའ་ཤིག་འབྱུང་བར་འགྱུར་ཏེ། དེ་ཐོས་པ་ཙམ་གྱིས་ལྷ་དང་མི་དེ་དག་ཐམས་ཅད་ཀྱིས་དྲན་པ་དང་། ཉེ་བར་ཞི་བ་དང་། དགའ་བ་དང་། བདྲེ་བ་ཐོབ
215b2 ལཉོན་མོངས་པ་ཐམས་ཅད་ཀྱི་ཀྱང་དེ་དག་ལ་གནོད་པར་མ་གྱུར་ཏོ།། འཇིག་རྟེན་གྱི་ཁམས་དེ་ཡང་ལག་མཐིལ་ལྟར་མཉམ་ལ། ཀ་ཙ་ལིན་དའི་གོས་ལྟར་འཇམ་ཞིང་རེག་ན་བདེ་བར
215b3 གྱུར་ཏོ།། འཇིག་རྟེན་གྱི་ཁམས་དེ་ན། ངན་སོང་ངན་འགྲོར་གདགས་པ་མེད་དེ། ལྷ་དང་མི་དེ་དག་ཀྱང་དགའ་བ་འབའ་ཤིག་ཏུ་གྱུར་ཏོ།། དེ་དག་ནི་ཕལ་ཆེར་རྒྱ་ཆེན་པོ་ལ་མོས་པ་དང་།
215b4 ཐེག་པ་ཆེན་པོ་ལ་ཞུགས་པ་དང་ཤ་སྟག་གོ།། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ནི་ཉུང་ངོ་།། དེ་དག་གི་ལོངས་སྤྱོད་ཐམས་ཅད་ཀྱང་ཡིད་ལ་བསམས་པས་འབྱུང་ལ། ལྷ་དང་མི་དེ
215b5 དག་བདེ་ཞིང་ལོངས་སྤྱོད་དང་ལྡན་པར་གྱུར་ཏོ།། དེ་ན་སུའང་སྡུག་པ་དང་། དབུལ་པོ་མེད་དེ། དཔེར་ན། དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང་། ཉེ་བར་སྤྱད་པ་ཇི་ལྟ་བ་བཞིན
215b6 དུདེ་ན་འཁོད་པའི་མི་རྣམས་ཀྱང་དེ་དང་འདྲ་བར་གྱུར་ཏོ།། དེ་བཞིན་གཤེག་པ་དེའི་སྐུ་ཚེའི་ཚད་ཀྱང་ལོ་འབུམ་ཕྲག་བརྒྱད་ཅུ་རྩ་བཞི་ཕྲག་བརྒྱད་དུ་བསྒྲེས་པ་སྙེད་དུ་གྱུར་ཏོ།། མི་དེ
215b7 དག་གི་ཚེའི་ཚད་ཀྱང་དེ་ཉིད་དེ།། དེ་ན་ཚེའི་མཐར་མ་ཕྱིན་པར་སུ་ཡང་འཆི་བ་མེད་དོ།། དེ་བཞིན་གཤེགས་པ་དེའི་བྱང་ཆུབ་སེམས་དཔའི་འཁོར་ཡང་ཁྲག་ཁྲིག་ཕྲག་འདུན་ཅུ་རྩ་གཉིས་ཡོད་པར
iiif viewer powered by OpenSeadragon
