| e-texts navigator |
| Wylie |
214a1 འདི་ནི་རྣམ་པར་ཐར་པ་ཞེས་བྱ་བ་གང་ཡིན་པ་དེ་དག་ནི། གཞན་དག་ན་དོན་ཡོད་པ་ཞེས་བྱའོ།། འདི་ན་བསོད་ནམས་ཤེས་བྱ་བ་གང་ཡིན་པ་དེ་ནི། གཞན་དག་ན་ཕན་པ་ཞེས་བྱའོ།། འདི།
214a2 ན་ཡེ་ཤེས་ཞེས་བྱ་བ་གང་ཡིན་པ་དེ་ནི། གཞན་དགར་རྟོགས་མེད་ཅེས་བྱའོ།། འདིར་རབ་ཏུ་འབྱུང་བ་ཞེས་བྱ་བ་གང་ཡིན་པ་དེ་ནི། གཞན་དག་ན་ལམ་གྱི་རྗེས་སུ་འགྲོ་བ་ཞེས་བྱའོ།། འདི་ན་བསྙེན་པར
214a3 རྫོགས་པ་ཞེས་བྱ་བ་གང་ཡིན་པ་དེ་ནི། གཞན་དག་ན་འདའ་བར་མི་བྱ་བ་ཞེས་བྱའོ།། འདི་ནི་མྱ་ངན་ལས་འདས་པ་ཞེས་བྱ་བ་གང་ཡིན་པ་དེ་ནི། གཞན་དག་ན་ཉེ་བར་ཞི་བ་ཞེས་བྱའོ།། འདི་ན་སངས་རྒྱས་བཅོམ
214a4 ལྡན་འདས་རྣམས་ནི་བསྔགས་པ་མཐའ་ཡས་པ་དང་ལྡན་པའོ་ཞེས་བྱ་བ་གང་ཡིན་པ་དེ་ནི། འཇིག་རྟེན་གྱི་ཁམས་གཞན་དག་ན། སངས་རྒྱས་བཅོམ་ལྡན་འདས་རྣམས་ནི་བགེགས་མེད་པའི་ཚུལ་ཅན་ནོ་ཞེས
214a5 བྱའོ།། ཀླུའི་བདག་པོ་ངེས་པའི་ཚིག་གི་ཚིག་དང་། བརྡའི་ཚིག་གི་ཚིག་འདི་དག་ནི། སངས་རྒྱས་ཀྱི་ཞིང་གཞན་དང་གཞན་དག་ཏུ་འབྱུང་སྟེ། མི་ཟད་པའི་ཟ་མ་ཏོག་གི་གཟུངས་ལ་གནས་པའི་བྱང་ཆུབ་སེམས
214a6 དཔའ་ནི། སངས་རྒྱས་ཀྱི་ཞིང་ཐམས་ཅད་ཀྱི་དེ་དག་གི་ངེས་པའི་ཚིག་ཤེས་སོ།། ཀླུའི་བདག་པོ་ངེས་པའི་ཚིག་གི་ཆོག་དང་། བརྡའི་ཚིག་གི་ཆོག་བསྟན་པ་ཕྱོགས་བཅུ་དག་ཏུ་འབྱུང་བ་གང་ཡིན་པ་དེ་དག་ནི
214a7 བསྐལ་པའམ་བསྐལ་པ་ལས་ལྷག་པར་ངས་བསྟན་ཀྱང་། སངས་རྒྱས་ཀྱི་ཞིང་གི་ངེས་པའི་ཚིག་གི་ཚིག་དང་། བརྡའི་ཚིག་གི་ཆོ་ག་བསྟན་པ་རྣམས་མཐར་ཐུག་པ་གང་ཡང་མེད་དོ།། མི་ཟད་པའི་ཟ་མ་ཏོག་གི
iiif viewer powered by OpenSeadragon
