| e-texts navigator |
| Wylie |
211a1 པ་ཐོབ་པའོ།། སེམས་ཅན་ཐམས་ཅད་ཀྱི་བདག་པོའོ།། ཕ་མ་དང་ཉེ་དུར་གྱུར་པའོ།། འཇིག་རྟེན་གྱི་ཆོས་བརྒྱད་ལས་ཡང་དག་པར་འདས་པའོ།། འཇིག་རྟེན་ཐམས་ཅད་ཀྱི་རྗེས་སུ།
211a2 འཐུན་པའོ།། ཆོས་ཀྱི་དབང་ཕྱུག་གོ།། སེམས་ལ་དབང་བྱེད་པའོ།། བསྟན་བཅོས་དང་ཡི་གེ་ཐམས་ཅད་ཀྱི་དམ་པའི་ཕ་རོལ་ཏུ་ཕྱིན་པའོ།། བྱང་ཆུབ་དང་ཐམས་ཅད་མཁྱེན་པ་ཉིད་ནི་དེའི་སེམས་ཀྱི་གྲོགས་བྱེད་པའོ།།
211a3 སྦྱིན་པའི་ཕ་རོལ་ཏུ་ཕྱིན་པ་ནི་དེའི་གོས་དང་། ཟས་དང་། སྐོམ་དང་། བཟའ་བའི་བྱ་བ་བྱེད་པའོ།། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི། དེའི་དུས་ཚིགས་ཀྱི་བདེ་བ་བྱེད་པའོ།། བཟོད་པའི་ཕ་རོལ་ཏུ་ཕྱིན་པ
211a4 ནི། དེའི་ཐམས་ཅད་ལས་མི་འཇིགས་པར་བྱེད་པའོ།། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི། དེའི་ལེགས་པར་བྱ་བའི་ལས་བྱེད་པའོ།། བསམ་གཏན་གྱི་ཕ་རོལ་ཏུ་ཕྱིན་པ་ནི། དེའི་འགྱོད་པ་མེད་པར་བྱེད་པ།
211a5 དང་ཉེ་བར་ཞི་བར་བྱེད་པའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ནི། དེ་ཆོས་ཐམས་ཅད་ཡོངས་སུ་དག་པར་བྱེད་པའོ།། ཐབས་ལ་མཁས་པའི་ཕ་རོལ་ཏུ་ཕྱིན་པ་ན། དེའི་གཉིས་ཀའི་དོན་བྱེད་པའོ།།
211a6 སྨོན་ལམ་གྱི་ཕ་རོལ་ཏུ་ཕྱིན་པ་ནི། དེའི་ཅི་འདོད་པའི་དོན་ཡང་དག་པར་ཐོབ་པར་བྱེད་པའོ།། སྟོབས་ཀྱི་ཕ་རོལ་ཏུ་ཕྱིན་པ་ནི། དེའི་ཉོན་མོངས་པ་ཐམས་ཅད་རྣམ་པར་འཇོམས་པར་བྱེད་པའོ།། ཡེ་ཤེས
211a7 ཀྱི་ཕ་རོལ་ཏུ་ཕྱིད་པ་ནི། དེའི་དུས་གསུམ་ལ་ཡེ་ཤེས་ཐོགས་པ་མེད་པར་བྱེད་པའོ།། བྱམས་པ་ནི་དེའི་སེམས་ཅན་ཐམས་ཅད་ཀྱི་ཕན་པ་གྲུབ་པར་བྱེད་པའོ།། སྙིང་རྗེ་ནི་དེའི་སེམས་ཅན་ཐམས་ཅད་ལ
iiif viewer powered by OpenSeadragon
