| e-texts navigator |
| Wylie |
209b1 ཉོན་མོངས་པའི་ཆེ་བ་སྲེ་མར་རྟོག་པའོ།། གསང་བ་གསུམ་གྱི་གསང་སྔགས་ཀྱིས་ཀུན་ཏུ་སྲུང་བའི་གཟུངས་སོ།། ཆོས་ཐམས་ཅད་ལ་རྣམ་པར་ལྟ་བའོ།། ཉོན་མོངས་པའི་ཁུར་ལས་སྒྲོལ་བའོ།།
209b2 འཇིགས་པ་དང་སྐྲག་པ་ཐམས་ཅད་དང་བྲལ་བའོ།། རྒྱ་ཆེ་ཞིང་ཟབ་པའི་ཆོས་ལ་ལྟ་བའོ།། སེང་གེའི་རྩ་ལ་སྤྱོད་པའོ།། སེམས་ཅན་ཐམས་ཅད་ཀྱི་ཉེ་བར་འཚོ་བའོ།། མྱ་ངན་ལས་འདས་པའི
209b3 ལམ་དུ་འགྲོ་བའོ།། གཡོན་ཕྱོགས་ཀྱི་ལམ་ཡོངས་སུ་སྤོང་བའོ།། གཡས་ཕྱོགས་ཀྱི་ལམ་དུ་འཛུད་པའོ།། དེ་ལྟར་ཡེ་ཤེས་རིན་པོ་ཆེ་དང་ལྡན་པ་དེ་ནི། སེམས་ཅན་ཐམས་ཅད་ཀྱི་སྤྱོད་པ་དང་།
209b4 བསམ་པ་དང་། ཆོག་ཤེས་པའོ།། མངོན་པར་ཤེས་པ་ལྔ་རྟོགས་པར་ཁོང་དུ་ཆུད་པའོ།། བསཔ་གཏན་རྩེ་གཅིག་པ་ལ་དགའ་བའོ།། འཕགས་པའི་བདེན་པ་བཞིའི་ཁ་དང་ལྡན་པའོ།།
209b5 སྤུན་ལྔའི་མིག་བཟང་པོ་དང་ལྡན་པའོ།། མཁའི་དཀྱིལ་མཐའ་དག་གི་ལུས་དང་ལྡན་པའོ།། ཆོས་ཀྱི་དབྱིངས་དང་མཉམ་པའི་དཔྲལ་བ་དང་ལྡན་པའོ།། དེ་བཞིན་ཉིད་ཀྱི་མགྲིན་པ་དང་ལྡན
209b6 པའོ།། མི་སྐྱེ་བའི་ལྕེ་དང་ལྡན་པའོ།། མཉམ་པ་ཉིད་དང་རོ་གཅིག་པའོ།། ཆོས་ཐམས་ཅད་ལ་ཐོས་པ་འཛིན་པའོ།། སྒྲ་ཐམས་ཅད་རྟོགས་པའི་ཐོས་པ་དང་ལྡན་པའོ།། དྲིལ་རྗེས་སུ་ཆགས
209b7 པ་མེད་པའོ།། དྲིལ་ཁོང་ཁྲོ་བ་མེད་པའོ།། དྲི་ཐམས་ཅད་རིག་པའོ།། དྲན་པ་ཉེ་བར་གཞག་པ་བཞིའི་མགོ་བོ་དང་ལྡན་པའོ།། ཚངས་པའི་གནས་པ་བཞིའི་སྒྲ་དྲི་ཞིམ་པོ་དང་ལྡན་པའོ།། རྣམ
iiif viewer powered by OpenSeadragon
