| e-texts navigator |
| Wylie |
209a1 ཀྱིས་མ་བསྡུས་པ་མེད་པ་དེ་བཞིན་དུ་ཆོས་གང་ཡང་བྱང་ཆུབ་ཀྱིས་མ་བསྡུས་པ་མེད་དེ། ཀླུའི་བདག་པོ་དེ་ལྟར་ན། མི་ཟད་པའི་ཟ་མ་ཏོག་གཟུངས་ལ་གནས་པའི་བྱང་།
209a2 ཆུབ་སེམས་དཔའ་ནི་ཡི་གེ་རྣམས་ཁོ་ནས་བྱང་ཆུབ་ཚོལ་བར་བྱེད་དོ།། ཡི་གེ་རྣམས་ཁོ་ནས་བྱང་ཆུབ་སྟོན་པར་བྱེད་དོ།། ཡི་གེ་རྣམས་ཁོ་ནས་བྱང་ཆུབ་གླེང་བར་བྱེད་དོ།། ཡི་གེ་རྣམས་ཁོ་ནས་བྱང་ཆུབ
209a3 ལ་རེག་པར་བྱེད་དོ།། ། བམ་པོ་གསུམ་པ། ཀླུའི་བདག་པོ་བྱང་ཆུབ་སེམས་དཔའ་ནི་མི་ཟད་པའི་ཟ་མ་ཏོག་གི་གཟུངས་ཐོབ་པས། སྟོབས་བཅུ
209a4 ཐོབ་པར་འགྱུར་རོ།། མི་འཇིགས་པ་བཞི་དང་། མ་འདྲེས་པ་བཅོ་བརྒྱད་དང་། སངས་རྒྱས་ཀྱི་ཆོས་རྣམས་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་།
209a5 བླ་ན་མེད་པའི་ཤེས་རབ་ཐོབ་པར་འགྱུར་ཏོ།། དེའི་ཤེས་རབ་དེ་ཡང་སེམས་ཅན་ཐམས་ཅད་གཟུགས་མེད་པར་སྒྲོལ་བའོ།། ཉོན་མོངས་པ་ཐམས་ཅད་སྲེག་པའོ།། སེམས་ཅན་ཐམས་ཅད
209a6 ཡོངས་སུ་སྨིན་པར་བྱེད་པའོ།། ཆུ་བོ་བཞི་ལས་སྒྲོལ་བའོ།། བདུད་བཞི་རྣམ་པར་འཇོམ་པའོ།། སེམས་ཅན་ཐམས་ཅད་ལ་འཛུམ་པའི་བཞིན་སྟོན་པའོ།། སེམས་ཅན་ཐམས་ཅད་མགུ
209a7 བར་བྱེད་པའོ།། ཤེས་རབ་རིན་པོ་ཆེའི་སེམས་ཡང་དག་པར་སྐྱེད་པའོ།། དཀོན་མཆོག་གསུམ་གྱི་གདུང་མི་འཆད་པར་བྱེད་པའོ།། ཕས་ཀྱི་རྒོལ་བ་ཐམས་ཅད་ཡང་དག་པར་འཇོམ་པའོ།།
iiif viewer powered by OpenSeadragon
