| e-texts navigator |
| Wylie |
208a1 གི་གཟུངས་ལ་བྱང་ཆུབ་སེམས་དཔས་གཟུངས་ཐོབ་ནས་ཡི་གེ་ཐམས་ཅད་ཀྱི་ངེས་པའི་ཚིག་གི་དགོངས་པ་རྟོགས་པར་འགྱུར་བའོ།། ཀླུའི་བདག་པོ་དཔེར་ན
208a2 ཡི་གེ་རྣམས་མི་ཟད་པ་དེ་བཞིན་དུ། ཆོས་ཐམས་ཅད་ཀྱི་བསྟན་པ་མི་ཟད་དོ།། དཔེར་ན། ཡི་གེ་རྣམས་ནི་ལུས་སམསེམས་གང་ནས་ཀྱང་མི་འབྱུང་བ་དེ་བཞིན་དུ་ཆོས་ཐམས་ཅད་ཀྱང་གང་ནས་ཀྱང
208a3 མི་འབྱུང་སྟེ། ལུས་ལ་ཡང་མི་གནས། སེམས་ལ་ཡང་མི་གནས་སོ།། དཔེར་ན། ཡི་གེ་རྣམས་ནི་ཀུན་ནས་ཉོན་མོངས་པར་ཡང་མི་འགྱུར་ལ་ཀུན་ནས་ཉོན་མོངས་པ་ཡང་བརྗོད་དོ།།
208a4 རྣམ་པར་བྱང་བར་ཡང་མི་འགྱུར་ལ། རྣམ་པར་བྱང་བ་ཡང་རྗོད་དོ།། དེ་བཞིན་དུ་མི་ཟད་པའི་ཟ་མ་ཏོག་གི་གཟུངས་ཐོབ་པའི་བྱང་ཆུབ་སེམས་དཔའ་རྣམས་ཀྱང་ཀུན་ནས་ཉོན་མོངས་པ་ཡང་བརྗོད་ལག་ཀུན།
208a5 ནས་ཉོན་མོངས་པའི་ཆོས་ཀྱིས་ཀྱང་། ཀུན་ནས་ཉོན་མོངས་པར་མི་འགྱུར་རོ།། རྣམ་པར་བྱང་བའི་ཆོས་ཀྱང་རྗོད་ལ། རྣམ་པར་བྱང་བའི་ཆོས་ཀྱིས་ཀྱང་རྣམ་པར་དག་པར་མི་འགྱུར་ཏེ། ཤིན་ཏུ་རྣམ
208a6 པར་དག་པའི་ཕྱིར་རོ།། དཔེར་ན། ཡི་གེ་རྣམས་ནི་གང་ནས་ཀྱང་མ་འཕོས་ལ། གོ་བར་ཡང་བྱེད་པ་དེ་བཞིན་དུ། ཆོས་ཐམས་ཅད་ཀྱང་གང་ནས་ཀྱང་མ་འཕོས་ལ། གོ་བར་ཡང་བྱེད་དེ། གཞན་གྱི
208a7 སེམས་ཀྱང་རྣམ་པར་དག་པར་བྱེད་དོ།། དཔེར་ན། ཡི་གེ་བརྗོད་པ་རྣམས་ཀྱང་། ཕྱོགས་དང་ཕྱོགས་མཚམས་སུ་འགྲོ་བ་མེད་ལ། མ་བརྗོད་པ་རྣམས་ཀྱང་ནང་དུ་སོགས་པ་མེད་པ་དེ་བཞིན
iiif viewer powered by OpenSeadragon
