| e-texts navigator |
| Wylie |
199a1 བྱའོ།། ཀླུའི་བདག་པོ་བྱང་ཆུབ་སེམས་དཔའ་འཁོར་གྱི་ནང་དུ་འོངས་ལ། འཁོར་གྱི་ནང་དུ་འདུག་ནས། ཟབ་མོའི་གཏམ་གྱི་བར་གཅད་དེ། གཏམ་སྣ།
199a2 ཚོགས་གླེང་བ་གང་ཡིན་པ་དེ་ནི། དམ་པའི་ཆོས་ནུབ་པར་བྱ་བའི་ཕྱིར་བརྩོན་པ་ཡིན་ནོ།། དེ་ཅིའི་ཕྱིར་ཞེ་ན། འཛམ་བུའི་གླིང་འདིར་ཇི་སྲིད་དུ་ཟབ་མོའི་ཆོས་གྲགས་པ་དེ་སྲིད་དུ། དམ།
199a3 པའི་ཆོས་ནུབ་པར་མི་འགྱུར་བའི་ཕྱིར་རོ།། ཀླུའི་བདག་པོ་གཞན་ཡང་མི་ཆོས་འདོད་དེ། ཆོས་ཉན་པ་ནི་ཉུང་ལ། མི་མ་ཡིན་པ་ཆོས་ཉན་པ་ནི་མིང་སྟེ། དེར་དམ་པའི་ཆོས་སྨྲ་བ་པོ་ག།
199a4 གྲིས་ཟབ་མོའི་གཏམ་ནི་འཆབ་པར་བྱེད་ལ། གཏམ་སྣ་ཚོགས་ནི་གླེང་བར་བྱེད་ན། དེར་ཟབ་མོ་ལ་མོས་པའི་ལྷ་རྣམས་ཡི་མ་རངས་པར་འགྱུར་ཏེ། འདི་སྐད་དུ་རིགས་ཀྱི་བུ་འདི
199a5 ནི་གང་ཁོ་ན་ལ་འཇིག་རྟེན་པ། ཉོན་མོངས་པ་སྤྱོད་པ་དེ་ཉིད་ཀྱི་འཇིག་རྟེན་པའི་གཏམ་གླེང་ཞིང་འདུག་སྟེ། ཀྱེ་རེ་ངན་འདི་ན་སངས་རྒྱས་ཀྱིས་གསུང་མི་གྲག་གོ་ཞེས་ཚིག་ངན་མཐོན་ནས
199a6 དག་འཁོར་དེ་དག་ལ་མི་དགའ་སྟེ་འདོང་བར་བྱེད་དོ།། སྨོན་ལམ་གྱིས་ལེའུ་སྟེ་གཉིས་པའོ།། །། དེས་ནས་བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོས་འདི་སྐད
199a7 ཅེས་གསོལ་ཏོ།། བཅོམ་ལྡན་འདས་ཅི་འཇིག་རྟེན་པའི་སྦྱིན་པ་དང་། དུལ་བ་དང་། ལེགས་པར་སྡོམ་པ་དང་། ངེས་པའི་གཏམ་དང་། རབ་ཏུ་འབྱུང་བ་དང་། ངེས་པར་འབྱུང
iiif viewer powered by OpenSeadragon
