| e-texts navigator |
| Wylie |
193b1 པར་བྱ་བའི་ཕྱིར། སེམས་ཅན་རྣམས་ལ་ཆོས་སྟོན་པའི་བརྩོན་འགྲུས་རྩོམ་ལ་སེམས་ཅན་དེ་དག་ཀྱང་ཡང་དག་པར་མི་དམིགས་ཏེ། སེམས་ཅན་མི་དམིགས་པ་གང་ཡིན་པ་དེ་ཉིད། དེའི་ཆོས
193b2 ཐམས་ཅད་མི་དམིགས་པའོ།། དེ་ཅིའི་ཕྱིར་ཞེ་ན། སེམས་ཅན་ལ་མ་གཏོགས་པའི་ཆོས་གང་ཡང་མེད་ལ་ཆོས་ལ་མ་གཏོགས་པའི་སེམས་ཅན་རྣམས་ཀྱང་མེད་མོད་ཀྱིའོན་ཀྱང་ཆོས་ཀྱི་ངོ་བོ
193b3 ཉིད་གང་ཡིན་པ་དེ་ནི་བདག་གི་ངོ་བོ་ཉིད་དོ།། བདག་གི་ངོ་བོ་ཉིད་གང་ཡིན་པ་དེ་ནི་ཆོས་ཐམས་ཅད་ཀྱི་ངོ་བོ་ཉིད་དོ།། ཆོས་ཐམས་ཅད་ཀྱི་ངོ་བོ་ཉིད་གང་ཡིན་པ་དེ་ནི། སངས་རྒྱས་ཀྱི་ཆོས
193b4 ཐམས་ཅད་ཀྱི་ངོ་བོ་ཉིད་དོ།། ངོ་བོ་ཉིད་མཉམ་པ་ཉིད་འདིས་སངས་རྒྱས་ཀྱི་ཆོས་ཐམས་ཅད་ཚོལ་བ་གང་ཡིན་པ་དང་། བཙལ་ནས་ཀྱང་ཆོས་མི་དམིགས་ཆོས་མ་ཡིན་པ་ཡང་མི
193b5 དམིགས་པ་དང་། ཚོལ་བ་ན་ཡང་གང་གིས་བཙལ་བ་དང་། གང་བཙལ་བ་དང་། སུས་བཙལ་བ་དེ་དག་ཐམས་ཅད་མི་དམིགས་པ་འདི་ནི། བྱང་ཆུབ་སེམས་དཔའ་ཤེས་རབ་ཀྱི
193b6 གནས་ལ་གནས་པའི་བརྩོན་འགྲུས་ཤེས་བྱའོ།། དེ་ལ་བྱང་ཆུབ་སེམས་དཔའ་ཤེས་རབ་ཀྱི་གནས་ལ་གནས་པའི་བསམ་གཏན་གང་ཞེ་ན། བསམ་གཏན་རྣམས་ལ་ཡང་སྙོམས་པར
193b7 འཇུག་ལ། མཉམ་པ་ཉིད་ལས་ཀྱང་ཉམས་པར་མི་འགྱུར། ཕུན་སུམ་ཚོགས་པར་ཡང་མི་འགྱུར་བ་གང་ཡིན་པ་དང་དེ་བསམ་གཏན་རྣམས་ཀྱང་བསམ་གཏན་དུ་བྱེད་ལ
iiif viewer powered by OpenSeadragon
