| e-texts navigator |
| Wylie |
192b1 ཚུལ་ཁྲིམས་དེས་ཀྱང་རློམ་སེམས་སུ་མི་བྱེད་ཅིང་། ཤིན་ཏུ་རློམ་སེམས་སུ་མི་བྱེད་པ་འདི་ནི། བྱང་ཆུབ་སེམས་དཔའ་ཤེས་རབ་ཀྱི་གནས་ལ་གནས་པའི་ཚུལ་ཁྲིམས་ཤེས་བྱའོ།། དེ་ལ་བྱང་ཆུབ་སེམས།
192b2 དཔའ་ཤེས་རབ་ཀྱིས་གནས་ལ་གནས་པའི་བཟོད་པ་གང་ཞེ་ན། བཟོད་པ་གང་བསྒོམ་པ་ནི། བདག་དང་སེམས་ཅན་དང་། སྲོགས་དང་། གང་ཟག་ཏུ་མི་དམིགས་ཤིང་། ངར་འཛིན་པ་དང་། ང་ཡིར
192b3 འཛིན་པ་ལ་ཡང་མི་གནས་པ་དྲི་ནི། ནང་དག་པ་དང་། སེམས་ཅན་དག་པ་དང་། ཆོས་ཐམས་ཅད་དག་པས་བཟོད་པ་བསྒོམ་པ་ཡིན་ཏེ། དེ་ནི་བཟོད་པ་ཡང་སྒོ་ལ། ཆོས་གང་ཡང་སྒོམ་པར་ཡང་མི་བྱེད།
192b4 བི་སྒོམ་པར་མི་བྱེད། ཆོས་གང་ཡང་བསྐྱེད་པའི་ཕྱིར་རར། དགག་པའི་ཕྱིར་ཡང་སྒོམ་པར་མི་བྱེད། ཆོས་གང་ཡང་ཟད་པར་བྱ་བའི་ཕྱིར་རམ། ཉེ་བར་ཞི་བར་བྱ་བའི་ཕྱིར་ཡང་སྒོམ་པར་མི་བྱེད། སེམས
192b5 ཅན་བདག་མེད་པ་དང་། སེམས་ཅན་དབེན་པས་ཀྱང་མི་སྐྲག་མི་དངང་དངང་བར་ཡང་མི་འགྱུར་ལ། བཟོད་པ་དེ་ཡང་ལུས་ལ་དམིགས་པ་དང་། ངག་ལ་དམིགས་པ་དང་། སེམས་ལ་དམིགས་པས་བཟོད་པར་མི
192b6 བྱེད་པ་དང་། དེ་ལུས་བཤིག་པའམ། ཡན་ལག་དང་། ཉིང་ལག་རྣམས་གཅོད་པ་ན། རྩཝ་དང་། ཤིང་དང་། རྩིག་པ་དང་འདྲ་བར་སོ་སོར་རྡོག་ཅིང་བཟོད་པ་དང་། དེ་བཞིན་གྱིས་ངན་དུ་སྨྲས་པ
192b7 ཐོས་ན། ངག་ཡ་མ་བར་དང་། ངག་གསོབ་དང་། ངག་གསོག་དང་། ངག་གཟུང་དུ་མེད་པ་དང་། ངག་ཞི་བ་དང་། ངག་མི་གནས་པར་ཤེས་ནས་བཟོད་པ་དང་། དེ་སེམས་རྙོག་པ་མེད་པ་དང་།
iiif viewer powered by OpenSeadragon
