| e-texts navigator |
| Wylie |
189a1 པའི་བྱང་ཆུབ་ལས་ཕྱིར་མི་ལྡོག་པ་ཡིན་ཏེ། ལྔ་གང་ཞེ་ན། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པ་ཡིན་ཏེ། ཐབས་ལ་མཁས་པ་དང་། ཆོས་ཐམས།
189a2 ཅད་ཇི་ལྟ་བ་ལ་མཁས་པ་ཡིན་ཏེ། ཆོས་ཟབ་མོའི་ཚུལ་ལ་གནས་པ་དང་། མངོན་པར་ཤེས་པ་མ་ཉམས་པ་ཡིན་ཏེ། སེམས་ཅན་ཐམས་ཅད་ཀྱི་དབང་པོ་རིག་པའི་ཆོག་ཤེས་པ་དང་།།
189a3 ལེགས་པར་ཁོང་དུ་ཆུད་པ་ཤེས་པ་ཡིན་ཏེ། ཆགས་པ་མེད་པར་སྤྱོད་པ་དང་། ཟད་མི་ཤེས་པ་མངོན་པར་བསྒྲུབ་པས་ཀྱང་རྟེན་ཅིང་འབྲེལ་པར་འབྱུང་བ་ལ་དཔྱོད་པར་བྱེད་ལ། ཟག་པ་ཐམ།
189a4 ཅད་ཀྱང་ཟད་པར་མི་བྱེད་པ་སྟེ། ཀླུའི་བདག་པོ་ཆོས་ལྔ་པོ་དེ་དག་དང་ལྡན་ན། བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཡིན་ནོ།།
189a5 ཀླུའི་བདག་པོ་ཆོས་གསུམ་དང་ལྡན་ན། བྱང་ཆུབ་སེམས་དཔའ་བཟོད་པ་ཐོབ་པ་ཡིན་ཏེ་གསུམ་གང་ཞེ་ན། སེམས་ཅན་ཡོངས་སུ་དག་པར་བྱ་བའི་ཕྱིར་བདག་མེད་པ་དང
189a6 ཆོས་ཡོངས་སུ་དག་པར་བྱ་བའི་ཕྱིར་དབེན་པ་དང་། ཡེ་ཤེས་ཡོངས་སུ་དག་པར་བྱ་བའི་ཕྱིར་ཆགས་པ་མེད་པ་སྟེ། གསུམ་པོ་དེ་དག་གོ།། གཞན་ཡང་གསུམ་སྟེ། སྔོན་གྱི་མཐའ
189a7 རྣམ་དག་པར་བྱ་བའི་ཕྱིར་མི་ཟད་པའི་ཆོས་ཉིད་དང་། ཕྱི་མའི་མཐའ་རྣམ་པར་དག་པར་བྱ་བའི་ཕྱིར་མི་སྐྱེ་བའི་ཆོས་ཉིད་དང་། ད་ལྟར་བྱུང་བའི་ཆོས་རྣམ་པར་དག་པར་བྱ་བའི་ཕྱིར།
iiif viewer powered by OpenSeadragon
