| e-texts navigator |
| Wylie |
422a1 བར་དུ་ཡང་ཅི་རིགས་པའི་སྟན་དག་ལ་འཁོད་དོ།། གང་དག་བཅོམ་ལྡན་འདས་ཀྱིས་སྤྲུལ་པ་ཕྱུང་བ་དེ་དག་ཀྱང་མནར་མེད་པ་ཡན་ཆད་འོག་མིན་གྱི་གནས
422a2 མན་ཆད་དུ་མངོན་པར་ཕྱུང་སྟེ་སླར་ལོག་གོ།། ཕྱོགས་བཅུའི་སངས་རྒྱས་རྣམས་ཀྱིས་སྤྲུལ་པ་ཕྱུང་བ་ཇི་སྙེད་པ་དེ་དག་ཐམས་ཅད་ནི། བཅོམ་ལྡན་འདས་ཤཱཀྱ་ཐུབ་པའི་སྤུའི
422a3 ཁུང་ཐམས་ཅད་དུ་ནུབ་བོ།། གང་དག་བཅོམ་ལྡན་འདས་ཀྱི་སྤྲུལ་པ་ཕྱུང་བ་དེ་དག་ན། སངས་རྒྱས་ཐམས་ཅད་ཀྱི་སྐུ་རྣམས་སུ་ནུབ་བོ།། དེ་ནས་བྱང་ཆུབ
422a4 སེམས་དཔའ་སེམས་དཔའ་ཆེན་པོ་རྒྱལ་བའི་ཕུང་པོ་ཞེས་བྱ་བ་སྟན་ལས་ལངས་ཏེ། ཟླ་གོས་ཟག་པ་གཅིག་ཏུ་བཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ།
422a5 བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། ཀྱེ་མ་མི་རྣམས་ཀྱི་ནི་འདྲེན་པ
422a6 ཡིས་སྔོན་ཆད་མ་བྱུང་མཛད་པ་སྣ་ཚོགས་འདི།། སྐྱེ་དགུ་ཀུན་ལ་མྱུར་དུ་ཀུན་བསྟན་པ།། དེ་ཡིས་བདུད་སྡེ་ཐམས་ཅད་མོག་མོག་བགྱིས།། ཕན་ཚུན་དག་ཏུ་ཚིག་ཏུ
422a7 སྨྲ་བགྱིད་པ།། ཀྱེ་མའོ་ཤིན་ཏུ་ངོ་མཚར་ཆེ་ཞེས་མཆི།། བདག་ཅག་ཅི་ཞིག་ཕྱིར་འདིར་ལྷགས་སོ།། བདག་ཅག་བཅོམ་མོ་བདག་ཅག་བཅོམ་ཞེས་མཆི།། དཀའ་ཐུབ་ཅན
iiif viewer powered by OpenSeadragon
