| e-texts navigator |
| Wylie |
421a1 སྐྱོང་བ་དཔག་ཏུ་མེད་པ་ཕྱུང་། དགྲ་བཅོམ་པ་བརྒྱ་སྟོང་དཔག་ཏུ་མེད་པ་ཕྱུང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་བརྒྱ་སྟོ།
421a2 དཔག་ཏུ་མེད་པ་ཕྱུང་། འཁོར་ལོས་སྒྱུར་བ་དང་། སྟོབས་ཀྱིས་འཁོར་ལོས་སྒྱུར་བ་དང་། ཁམས་ཀྱི་རྒྱལ་པོ་དང་། རིག་སྔགས་འཆང་དཔག་ཏུ་མེད་པ་ཕྱུང་། རྒྱ་དང་རི་བྲགས
421a3 པ་དང་། འགྲོ་ལྡིང་བ་དང་། ལྷོ་པ་ཕྱོགས་དང་། ནགས་ཁྲོད་པ་དཔག་ཏུ་མེད་པ་ཕྱུང་། རྒྱལ་རིགས་ཤིང་སཱལ་ཆེན་པོ་ལྟ་བུ་དང་། བྲམ་ཟེ་དང་། ཁྱིམ་བདག་ཤིང་སཱ་ལ་ཆེན་པོ
421a4 བུ་དང་། མི་གཟུགས་དང་། མདོག་དང་། སྨྲ་བའི་སྐད་སྣ་ཚོགས་པ་ཇི་སྙེད་པ་དང་། ལྷའི་རིས་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པའི་སྐུ་ལས་ཕྱུང་ངོ་།།
421a5 དེ་ནས་འཁོར་ཆེན་པོ་དེ་ཐེ་ཚོམ་དུ་གྱུར་ནས། ཕན་ཚུན་གདོང་དུ་ལྟའོ།། བྱང་ཆུབ་སེམས་དཔའ་རྣམས་རབ་ཏུ་དགའ་སྟེ། རིན་པོ་ཆེའི་ཆར་འབེབས་པ་ནས། རྒྱན་ཐམས་ཅད།
421a6 ཀྱི་བར་གྱི་ཆར་འབེབས་སོ།། དེ་ནས་བཅོམ་ལྡན་འདས་རིན་པོ་ཆེ་གཏོང་བའི་ཏིང་ངེ་འཛིན་ལས་བཞེངས་ཏེ། སེང་གེ་བསྒྱིངས་པས་ཕྱོགས་བཅུར་རྣམས་པར་གཟིགས་སོ།།
421a7 བཅོམ་ལྡན་འདས་ཀྱིས་ཕྱོགས་བཅུར་གཟིགས་མ་ཐག་ཏུ་དེ་ནས་ཕྱོགས་བཅུའི་སངས་རྒྱས་ཀྱི་ཞིང་དག་ནས། སངས་རྒྱས་བཅོམ་ལྡན་འདས་ཇི་སྙེད་སངས་རྒྱས
iiif viewer powered by OpenSeadragon
