| e-texts navigator |
| Wylie |
417a1 འཁོར་དགེ་སློང་ལྔ་བརྒྱ་དང་། པདྨོ་གསེར་གྱི་ཁང་པ་བརྩེགས་པ་ལྟ་བུ་མང་པོ་དག་སྤྲུལ་ཏེ། དགེ་སློང་རྣམས་དེ་ལ་འདུག་ནས་ལུས་ཀྱི་སྨད་ནས་ནི་འོད་ཟེར།
417a2 ཆུ་ལྟ་བུ་བྱུང་ཏེ། ཆུ་མིག་ལྟ་བུའི་འོད་ཟེར་པདྨོའི་བར་ཀུན་ན་འབབ་ཀྱང་ས་ལ་མི་ཟག་གོ།། སྟེང་ནས་ཀྱང་ཡང་གསེར་གྱི་བླ་རེ་བྲེས་ཏེ། དགེ་སློང་རྣམས་དེའི་ནང་ན་འདུག་སྟེ། ཡུལ
417a3 དེར་ལྷགས་སོ།། དེ་ལྟར་དགྲ་བཅོམ་པ་ཆེན་པོ་བརྒྱ་ཕྲག་ཕྱེ་དང་བཅུ་གསུམ་རྣམས་ཀྱང་སོ་སོ་ནས་འཁོར་དགེ་སློང་ལྔ་བརྒྱ་དང་བཅས་ཏེ། མངོན་པར་ཤེས་པ་ཡང་ཤཱ་རཱི་བུ་དང
417a4 མོའུ་འགལ་ཡ་ན་དང་འདྲ་བར་བྱས་ནས་སྟེང་གི་ནམ་མཁའ་ལས་འཕགས་ནས། ངང་པའི་རྒྱལ་པོ་ལྡིངས་པ་བཞིན་དུ་ཡུལ་དེར་ལྷགས་སོ།། དེའི་ཚེ་བཅོམ་ལྡན་འདས་ཆོས་གོས
417a5 བསྒྲུབས་ལྷུང་བཟེད་བསྣམས་ནས། ཆོས་གོས་བཏིང་བ་ཡང་དགའ་བོའི་ལག་ཏུ་བསྐུར་ཏེ། བཅོམ་ལྡན་འདས་ནམ་མཁའ་ལ་གོམ་པས་གཤེགས་སོ།། བཅོམ་ལྡན་འདས་གོམ་པས།
417a6 གཤེགས་པ་ན་རྒྱལ་ཆེན་རིས་བཞིའི་རྒྱལ་པོ་དང་། བརྒྱ་བྱིན་ལྷའི་དབང་པོ་དང་། གཞན་ཡང་ལྷའི་བུ་གྲངས་མེད་པ་དང་། ལྷའི་བུ་མོ་བརྒྱ་སྟོང་སྙེད་ཀྱིས་བཅོམ་ལྡན་འདས་ལ་ལན་བདུན།
417a7 བསྐོར་ཏེ་ཕྱག་འཚལ་ནས་ཞབས་འབྲིང་དུ་ཆས་སོ།། དེའི་ཚེ་བཅོམ་ལྡན་འདས་ཀྱིས་མགུར་ནས་གསེར་གྱི་ཁ་དོག་ལྟ་བུ་འོད་ཟེར་བཏང་ནས། འོད་ཟེར་དེ་ལས་སྤྲུལ་པའི་སངས་རྒྱས་ཝཾ།
iiif viewer powered by OpenSeadragon
