| e-texts navigator |
| Wylie |
412a1 ལ་མཆེ་བ་གྱེན་ཏུ་བགྲེ་བ། མིག་ནས་མེ་རབ་ཏུ་འབར་བ་དེ་ལ་ཁྱེའུ་དེས་མཐོང་ནས། ཁྱེའུ་དེ་སྐྲག་སྟེ། སངས་རྒྱས་ལ་ཕྱག་འཚལ་ལོ།། ཆོས་ལ
412a2 ཕྱག་འཚལ་ལོ།། དགེ་འདུན་ལ་ཕྱག་འཚལ་ལོ།། ཞེས་སྨྲས་སོ།། དེའི་ཚེ་བཅོམ་ལྡན་འདས་ཀྱི་འཕྲུལ་གྱི་སྙན་གྱིས་ཁྱེའུ་དེས་སྨྲས་པ་རྒྱང་མ་ནས་གསན་ནས
412a3 ཞབས་འབྲིང་དུ་དགའ་བོ་དག་ཁྲིད་དེ། ནམ་མཁའ་ལ་གོམ་པས་གཤེགས་སོ།། དགའ་བོ་ཞབས་འབྲིང་དུ་མཆིས་པ་ཕྱིར་ལུས་ཏེ། མ་སླེབས་ནས་བཅོམ་ལྡན་འདས་ཀྱིས
412a4 རིན་པོ་ཆེའི་པདྨོ་སྤྲུལ་ཏེ། པདྨོའི་འོད་ཟེར་གྱིས་དགའ་བོ་བསུས་ཏེ། དགའ་བོ་པདྨོལ་འདུག་པར་བྱིན་གྱིས་བརླབས་སོ།། དེའི་ཚེ་དགའ་བོ་འཛམ་བུ་གླིང་གི་ནང་ན་སྤྲུལ
412a5 པའི་སངས་རྒྱས་ཀྱིས་ཡོངས་སུ་གང་བར་མཐོང་སྟེ། སྤྲུལ་པའི་སངས་རྒྱས་དེ་རེ་རེའི་སྐུའི་ཚད་ཀྱང་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་དང་མཉམ་པའི་སྤྲུལ་པ
412a6 སངས་རྒྱས་དག་ཀུན་ཀྱང་ཐེག་པ་གསུམ་འཆད་ཅིང་བྱང་ཆུབ་སེམས་དཔའ་རྣམས་ལ་སངས་རྒྱས་རྗེས་སུ་དྲན་པའི་ནན་ཏན་ལ་བརྩོན་པར་གྱིས་ཤིག་ཅེས་སྟོན་པར་མཐོང་ཞིང་ཐོས
412a7 སོ།། དགའ་བོས་དེ་ལྟ་བུ་དག་མཐོང་ཞིང་ཐོས་ནས་སྔོན་འདས་པའི་སངས་རྒྱས་ཁྲི་ཕྲག་དགུ་བཅུ་རྣམས་ཀྱི་ཆོས་ཀྱི་སྡེ་སྣོད་ཀུན་དྲན་པར་གྱུར་ཏོ།། དེའི་ཚེ་བཅོམ
iiif viewer powered by OpenSeadragon
