| e-texts navigator |
| Wylie |
392b1 ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་རྣམས་སངས་རྒྱས་ཀྱི་བྱིན་གྱིས་བརླབས་ཀྱིས་སྡུག་བསྔལ་བའི་སེམས་ཅན་འདི་དག་ཀུན་བདག་གི་ཕ་མ་དང་སློབ་དཔོན་དང་གཉེན
392b2 བཤེས་སུ་མཐོང་བར་གྱུར་ཏོ་ཞེས་གསོལ་པ་དང་། བཅོམ་ལྡན་འདས་ཀྱིས་འཁོར་མང་པོའི་རྣམས་ལ་བཀའ་སྩལ་པ། རིགས་ཀྱི་བུ་དྲུག་ཁམས་གསུམ་གྱི་སེམས་ཅན་ལམ་རྒྱུད་དྲུག་ཏུ་སྒྱུ་མའི
392b3 འཁྲུལ་འཁོར་བཞིན་དུ་འཁོར་བས་། པ་དང་མ་དང་བུ་དང་ཆུང་མ་དག་གཅེན་པ་ཤེས་སུ་མ་གྱུར་པ་གང་ཡང་མེད་དེ། ཁམས་གསུམ་འཁོར་བའི་གཉེན་པ་ཤེས་ཡིན་ན་དེ་ལ་གནོད་པའི་སེམས་ཙམ་ཡང་མི་སྐྱེད
392b4 ན། གནོད་པ་དངོས་སུ་ལྟ་ཅིའི་ཕྱིར་བྱ་ཞེས་གསུངས་པ་དང་། ལྷོའི་ཚབས་གཙང་མ་ལ་སོགས་པའི་འཁོར་མང་པོ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱམས
392b5 པའི་ཐུགས་ཀྱི་ཏིང་ངེ་འཛིན་ཞེས་བགྱི་བ་ཅི་ལྟ་བུ་ལགས། དེ་དག་བཅོམ་ལྡན་འདས་ཀྱིས་ཕྱོགས་གཅིག་ཙམ་བཤད་དུ་གསོལ་ཞེས་གསོལ་བ་དང་། བཅོམ་ལྡན་འདས་ཀྱིས་འཁོར་མང་པོ་རྣམས་ལ་བཀའ་སྩལ་པ།
392b6 འདི་ལྟ་སྟེ། བྱམས་པའི་སེམས་ཀྱི་ཏིང་ངེ་འཛིན་ཞེས་བྱ་བ་ནི། འདི་ལྟར་འདུ་ཤེས་བསྐྱེད་པར་བྱའོ།། སྲིད་པ་གསུམ་གྱི་སེམས་ཅན་ཐམས་ཅད་ལ་ཕ་མ་དང་བུ་ཚའི་འདུ་ཤེས་སུ་བཞག་སྟེ། ཡིད་ལ
392b7 བྱེད་པ་དང་བསྒོམ་ཞིང་དམིགས་པའི་ཚེན། སེམས་ཅན་དེ་དག་ཀུན་བདག་གི་ཕ་མ་དང་བུ་ཚ་དང་ཆུང་མ་དང་གཉེན་པ་ཤེས་སུ་གྱུར་པ་ཤིན་ཏུ་འཕངས་ཤིང་གཅེས་པ་ཡིད་ལ་སྡུག་པ་དག། སྡུག་བསྔལ་གྱིས་གདུངས་པར་གྱུར་པ་ལ་ཤིན་ཏུ་བརྩེ
iiif viewer powered by OpenSeadragon
