| e-texts navigator |
| Wylie |
391b1 བམ་པོ་དྲུག་པ།། དེའི་ཚེ་སེམས་ཅན་ཉོན་མོངས་པ་མང་པོ་དག་དེ་ལྟར་གྱུར་པ་དང་། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཅིང་བསྟན་ནུས། བཅོམ་ལྡན་འདས་ཀྱིས་ཐུགས།
391b2 རྗེ་ཆེན་པོ་བྱམས་པའི་ཐུགས་ཀ་ནས་འོད་ཟེར་ཁ་དོག་དཀར་པོ་རྣམ་པ་བཅུ་ཐུགས་ལས་ཕྱུང་སྟེ། ཕྱོགས་བཅུའི་འཇིག་རྟེན་གྱི་ཁམས་ཀུན་སྣང་བར་བྱས་སོ།། འོད་ང་རྣམ་པ་རེ་རེ་ལས་ཀྱང་སྤྲུལ
391b3 པའི་སངས་རྒྱས་ཚད་མེད་པ་རིན་པོ་ཆེའི་པད་མོ་ལ་བཞུགས་སོ།། དེའི་ཚེ་འཁོར་མང་པོ་ཐམས་ཅད་ཀུན་གྱིས་སངས་རྒྱས་ཀྱི་འོད་ཟེར་དེ་ལ་སོ་སོར་མཐོང་བ་ཐ་དད་དེ། འཁོར་དེ་ལ་ལས་ནི་ཡིང་བ་ནི
391b4 གྱི་ནོར་བུ་ལྟ་བུར་མཐོང་ངོ་།། ལ་ལས་ནི་ཤེལ་གྱི་རིལ་བུར་མཐོང་ངོ་།། ལ་ལས་ནི་ནུ་ཐམས་ཅད་ཀྱིས་ཞིན་དུ་མཐོང་ངོ་།། ལ་ལཱས་ནི་རིན་པོ་ཆེའི་རྣམ་གྲངས་སུ་མཐོང་ངོ་།། ལ་ལས་ནི་སྤྱན་རྣབས་ཀྱི
391b5 རང་བཞིན་དུ་མཐོང་ངོ་།། ལ་ལས་ནི་ཕ་དང་མ་ལྟ་བུར་མཐོང་ངོ་།། ལ་ལས་ནི་བླ་མ་དང་སློབ་དཔོན་ལྟ་བུར་མཐོང་སྟེ། དེའི་ཚེ་སེམས་ཅན་སྡུག་བསྔལ་བ་རྣམས་ལ་དགོངས་པའི་ཕྱིར་སྤྲུལ་པའི
391b6 སངས་རྒྱས་རྣམས་ཀྱི་སྙིང་ཐུགས་ཀར་བྱུང་ནས་འོད་དང་བཅས་ཏེ་ཕྱིར་ཡང་སྐུའི་ལྟེ་བར་ཞུགས་སོ།། དེ་ནས་ཡང་ཕྱིར་ཐུགས་ཀར་བྱུང་ནས་རིན་པོ་ཆེའི་གྲུར་ཞུགས་ནས་རྒྱུད་ལྔའི་སེམས་ཅན་སྡུག
391b7 བསྔལ་གྱིས་གདུངས་པའི་གནས་ཀུན་ཏུ་གཤེགས་ཏེ་འོད་དང་བཅས་པར་བྱུང་ངོ་།། དེའི་ཚེ་རྒྱུད་ལྔའི་སེམས་ཅན་སྡིག་པ་ཅན་སྡུག་བསྔལ་གྱིས་གདུངས་པ་དེ་དག་ཀུན་གྱིས་སྤྲུལ་པའི་སངས་རྒྱས
iiif viewer powered by OpenSeadragon
