| e-texts navigator |
| Wylie |
361a1 འབུམ་ཕྲག་དེ་རེ་རེ་ལ་ཡང་སངས་རྒྱས་ཀྱི་སྐུ་སྙེད་གཅིག་ཏུ་གྱུར་ཏེ་སྣང་ངོ་།། སངས་རྒྱས་དེ་རེ་རེའི་སྐུ་ལ་ཡང་སྤྲུལ་པའི་འོད་ཟེར་རྡུལ་ཕྲ་རབ་སྙེད་འབྱུང་ཞིང་འོད་དེའི་ཐོག
361a2 མ་ལ་ཡང་སྤྲུལ་པའི་སངས་རྒྱས་སྐུ་ཡུངས་ཀར་གྱི་འབྲས་བུ་ཙམ་ཤ་སྟག་ཡོད་པར་གྱུར་ཏོ།། སངས་རྒྱས་སྐུ་ཕྲ་མོ་དེ་དག་གི་ལྟེ་བའི་མཚན་སྟོན་པ་ཡང་གོང་དུ་བཤད་པ་བཞིན་ནོ།། དེ་ལྟར་སྐུ་ལྟེ
361a3 བའི་འོད་ཟེར་རྣམས་ཕྱོགས་བཅུ་ཀུན་ཏུ་སྣང་བར་བྱས་ནས། ཕྱིར་ཡང་སངས་རྒྱས་ཀྱི་ལྟེ་བར་ཞུགས་སོ།། སངས་རྒྱས་རྣམས་ཀྱི་ལྟེ་བ་ནས་བྱུང་ནས། བྱང་ཆུབ་སེམས་དཔའ་རྣམས་ཀྱི་སྙིང
361a4 ཀར་ཞུགས་སོ།། བྱང་ཆུབ་སེམས་དཔའ་རྣམས་ཀྱི་སྙིང་ཀ་ནས་ཕྱིར་བྱུང་ནས་ཉན་ཐོས་རྣམས་ཀྱི་སྤྱི་བོར་ཞུགས་སོ།། ཉན་ཐོས་རྣམས་ཀྱི་སྤྱི་བོ་ནས་ཕྱིར་བྱུང་ནས་འོད་ཀྱི་སྤྲིན་ཆེན་པོ་ཚད་མེད་པར
361a5 གྱུར་ཏེ། དེ་གསེར་གྱི་ཁ་དོག་རིན་པོ་ཆེ་རྣམ་པ་སྣ་ཚོགས་པས་སྤྲས་ཤིང་བརྒྱན་ཏེ། སངས་རྒྱས་ཀྱི་ཞབས་ཀྱི་མཐིལ་དུ་ཞུགས་སོ།། སངས་རྒྱས་རྣམས་ཀྱི་ཞབས་ཀྱི་མཐིལ་དུ་ཞུགས་ནས།
361a6 ཞབས་ཀྱི་མཐིལ་འཁོར་ལོ་རྩིབས་སྟོང་དང་ལྡན་པའི་མཚན་ལས་ཀྱང་འོད་ཟེར་ཆེན་པོ་བྱུང་བར་གྱུར་ཏོ།། འོད་ཟེར་དེ་ཡང་པདྨོ་ཆེན་པོ་ལྟ་བུ་སྟེ། པདྨོ་དེ་འདབ་ཆགས་སུ་གྱུར་ཏེ་སངས་རྒྱས
361a7 ལ་ལནི་སྟོང་ཕྲག་བཅུ་བསྐོར་ནས། ཟངས་ཀྱི་ཁ་དོག་ལྟ་བུའི་ཞབས་ཀྱི་སེན་མོ་དང་། ཞབས་ཀྱི་སོར་མོའི་གོང་ནས་དབུའི་གཙུག་ཏོར་ལ་ཐུག་གི་བར་དུ་ཡོངས་སུ་བརྒྱན་ཏེ། སངས་རྒྱས་ཀྱི་སྐུའི
iiif viewer powered by OpenSeadragon
