| e-texts navigator |
| Wylie |
337a1 སངས་རྒྱས་དེ་དག་གི་སྐུའི་ཚད་ནི་དཔག་ཏུ་མེད་དེ། སྤྲུལ་པའི་སངས་རྒྱས་དེ་དག་གི་སྤྱི་གཙུག་ནས་ཀྱང་འོད་ཟེར་གཏོང་ངོ་།། འོད་ཟེར་དེ་དག་རྒྱུན་མ་ཆད་པར་བླ་མའི།
337a2 ཕྱོགས་ཀྱི་འཇིག་རྟེན་གྱི་ཁམས་ཚད་མེད་པ་སྣང་བར་བྱས་ནས། བླ་མའི་ཕྱོགས་ཀྱི་འཇིག་རྟེན་གྱི་ཁམས་ན། སྤྲུལ་པའི་བྱང་ཆུབ་སེམས་དཔའ་རྡུལ་ཕྲ་རབ་སྙེད་སྤྲིན་ལྟར་སྟེང་གི་བར་སྣང
337a3 ལས་བབས་ནས་སངས་རྒྱས་རྣམས་ལ་ཡོངས་སུ་བསྐོར་ཏོ།། བཅོམ་ལྡན་འདས་ཀྱིས་འོད་འདི་བསྟན་པ་ན། ཕྱོགས་བཅུའི་རྡུལ་ཕྲ་རབ་སྙེད་ཀྱི་འཇིག་རྟེན་གྱི་ཁམས་ཀྱི་སངས་རྒྱས
337a4 རྣམས་ཀྱང་སྣང་བར་གྱུར་ཏེ། འོད་དེས་སངས་རྒྱས་རྣམས་ཀྱི་སྤྱི་གཙུག་ཀྱང་སྣང་བར་བྱས་སོ།། སངས་རྒྱས་དེ་དག་གིས་ཀྱང་འོད་ཟེར་བཀྱེ་སྟེ། བཅོམ་ལྡན་འདས་ཤཱཀྱ་ཐུབ་པའི་སྤྱི་གཙུག
337a5 སྣང་བར་བྱས་སོ།། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། སོ་སོ་སྐྱེ་བོ་གང་བཅོམ་ལྡན་འདས་ཤཱཀྱ་ཐུབ་པའི་སྤྱི་གཙུག་གི་འོད་ཟེར་ལ་རྟོག་པར་འདོད་པ་དག་དེ་ལྟར་རྗེས་སུ་དྲན
337a6 པར་བྱའོ།། དེ་ལྟར་རྟོགས་པ་དག་གལ་ཏེ་དམིགས་པ་འཛིན་པར་གྱུར་ཀྱང་རྨི་ལམ་དུ་མཐོང་བ་ཙམ་གྱིས་ཀྱང་། སེམས་ཀྱིས་འདུ་ཤེས་ཡིན་མོད་ཀྱི། ཁ་ན་མ་ཐོ་བའི་སྡིག་པ་ཚད་སྲེད་པ་བརྒྱ
337a7 སྟོང་སྙེད་བྱུང་བར་འགྱུར་རོ།། གང་གིས་དེ་ལྟར་རྗེས་སུ་དྲན་པར་བྱེད་ན། ལུས་འདི་ཉིད་ཀྱིས་ངེས་པར་བྱང་ཆུབ་སེམས་དཔའ་ཆེན་པོ་རྣམས་མཐོང་བར་འགྱུར་རོ།། བྱང་ཆུབ་སེམས་དཔའ
iiif viewer powered by OpenSeadragon
