| e-texts navigator |
| Wylie |
334a1 དེ་ནས་དགེ་བསྙེན་མའི་འཁོར་ལས་སངས་རྒྱས་ཀྱི་སྐུ་སོལ་བའི་ཕུང་པོ་ལྟ་བུར་མཐོང་བའི་རྣམས་འདུག་པ་ལས་ལངས་ནསབཅོམ་ལྡན་འདས་ག་ལ་བ་དེ་ལོགས
334a2 སུ་ཐལ་མོ་སྦྱར་ཏེ། མཆི་མ་བླགས་ནས་སྐད་ཀྱིས་བརྣངས་པ་ཙམ་དུ་ངུས་ཏེ་མགོ་ལ་ཐལ་མོས་རྡེབས་ཤིང་དབུགས་ཆད་ནས་ས་ལ་འགྱེལ་ཏོ།། དེའི་ཚེ་བཅོམ་ལྡན་འདས་ཀྱིས་དེ་ལྟར
334a3 གྱུར་པ་གཟིགས་ནས། ཚངས་པའི་དབྱངས་ཀྱིས་བུ་མོ་རྣམས་ལ་སྤྲོ་བ་བསྐྱེད་དེ་འདི་སྐད་དུ་བུ་མོ་ཁྱེད་རྣམས་ཅིའི་ཕྱིར་འདི་ལྟར་མྱ་ངན་ཆེན་པོ་བྱེད་ཅིང་འདི་ལྟ་བུར་གྱུར་ཅེས་བཀའ་སྩལ་པ
334a4 དང་དགེ་བསྙེན་མའི་རྣམས་ཀྱིས་སངས་རྒྱས་ཀྱི་གསུང་ཐོས་པ་ལས་དབང་པོའི་རྒྱུད་ཀུན་གྲོལ་བར་གྱུར་ཏཱ། ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སངས
334a5 རྒྱས་བཅོམ་ལྡན་འདས་སྤྲིན་མེད་པའི་ཉི་མ་ལྟ་བུ་འཇིག་རྟེན་དུ་གཤེགས་ནས་ཐམས་ཅད་དུ་སྣང་ཞིང་ཤར་ཏེ། ཀུན་གྱིས་ཟླ་བ་རྒྱས་པ་དང་འདྲ་བར་མཐོང་ན། བདག་ཅག་འབའ་ཤིག
334a6 གིས་ནི་མ་མཐོང་ངོ་།། བཅོམ་ལྡན་འདས་ཀྱིས་ཆོས་བསྟན་པའི་ཚེ་ན། གཞན་ཀུན་གྱིས་གསུང་དབྱངས་རྣམ་པ་བརྒྱད་མངའ་བར་ཐོས་ན། བདག་ཅག་གིས་ནི་འོན་པ་དང་འདྲ་བར་ཅི་ཡང
334a7 མི་མཐོས་སོ།། བཙུན་པ་ཤཱ་རིའི་བུས་བདག་ཅག་ལ་དུས་ཁྲིམས་ལྔའི་ཆོས་བཤད་པ་དག་ཙམ་ནི་ཐོས་སོ།། བདག་ཅག་སངས་རྒྱས་ཀྱི་ཞབས་འབྲིང་འཁོར་དུ་གྱུར་པ་ལགས་ན
iiif viewer powered by OpenSeadragon
