| e-texts navigator |
| Wylie |
333b1 ཤིང་རྗེས་སུ་དད་པར་བྱེད་དོ།། དེ་དག་གིས་དེ་ལྟར་ཆོས་མ་ཡིན་པ་ལོག་པར་བསྟན་པས། དེ་དག་ཚེ་འཕོས་ནས་མཚམས་མེད་པའི་སེམས་ཅན་དམྱལ་བར་སྐྱེས་སོ།། ཁྱེད་རྣམས་ལོག
333b2 པར་བསྟན་པའི་རྗེས་སུ་གཞོལ་བ་རྣམས་ཀྱང་ཚེ་འཕོས་ནས་མུན་ནག་གི་སེམས་ཅན་དམྱལ་བར་སྐྱེས་སོ།། སྔོན་ཆོས་ལ་མོས་པ་བསྐྱེད་པའི་དགེ་བའི་མཐུས་ང་ད་ལྟར་བྱུང་བ་དང་ཕྲད་ནས།།
333b3 ཁྲིམས་ལྔ་འཛིན་པར་གྱུར་ཏོ།། ཁྱེད་རྣམས་ད་སངས་རྒྱས་དང་། ཆོས་དང་། དགེ་འདུན་གྱི་སྤྱན་སྔར་སྔོན་ངན་པར་ལྟ་བ་དང་། ལོག་པར་བསྟན་པའི་ཆོས་ཐོས་ཤིང་སྤྱད་པ་ཀུན་འབྱོད
333b4 ཅིང་ཤོགས་ལ་འཐོལ་ཅིག་ཅེས་གསུངས་སོ།། དགེ་བསྙེན་རྣམས་བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ཐོས་ནས་སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།།
333b5 དགེ་འདུན་ལ་ཕྱག་འཚལ་ལོ།། ཞེས་བརྗོད་ནས། སྡིག་པ་མི་དགེ་བ་རྣམས་སེམས་ཀྱི་འགྱོད་པས་འཐོལ་ཞིང་བཤགས་སོ།། དེ་ནས་བཅོམ་ལྡན་འདས་ཀྱིས་སྨིན་མཚམས་ཀྱི་སྐྱེས་བུ་ཆེན
333b6 པོའི་མཚན་གྱི་འོད་ཟེར་བཀྱེ་ནས་དགེ་བསྙེན་རྣམས་ཀྱི་སེམས་སྣང་ཞིང་གྲོལ་བར་བྱས་ཏེ། འཐུན་པར་རྒྱུན་ཏུ་ཞུགས་པའི་འབྲས་བུ་ཐོབ་པར་གྱུར་ཏོ།། དགེ་བསྙེན་དེ་རྣམས་ཀྱིས་རྒྱུན་ཏུ
333b7 ཞུགས་པའི་འབྲས་བུ་ཐོབ་ནསསངས་རྒྱས་ཀྱི་སྐུ་འཇིག་རྟེན་དཔེ་ཟླ་མེད་པ་རབ་ཏུ་མཛེས་པར་མཐོང་སྟེ། སངས་རྒྱས་ཀྱི་སྤྱན་སྔར་རབ་ཏུ་བྱུང་ནས་དགྲ་བཅོམ་པར་གྱུར་ཏོ།།
iiif viewer powered by OpenSeadragon
