| e-texts navigator |
| Wylie |
333a1 གདོན་མི་ཟ་བར་མངོན་པར་འཚང་རྒྱའོ་ཞེས་སྨྲས་ཏེ། བདག་ཅག་གིས་ཀྱང་དེ་སྐད་ཐོས་ནས། སངས་རྒྱས་ལ་སྐྱབས་སུ་གསོལ་ཏོ།། སངས་རྒྱས་ཀྱི་ཞབས་འབྲིང་འཚལ
333a2 ཞིང་སྐྱབས་སུ་མཆི་བ་གསུམ་དང་། ཉིན་ཞག་གི་ཁྲིམས་བརྒྱད་དང་། ལྔ་མནོས་ཏེ་མོས་པས་བསྲུངས་ཀྱང་བདག་ཅག་གི་སྔོན་གྱི་སྡིག་ལྕི་བའི་ལས་ཀྱིས་སངས་རྒྱས་ཀྱི་གསུང་ནི་ཐོས་ཀྱི། སྐུ་ནི
333a3 མི་མཐོང་ངོ་།། བདག་ཅག་སངས་རྒྱས་ལྟ་བ་ན་རྟག་ཏུ་བ་གླང་ནག་པོའི་རྐང་པ་ལྟ་བུར་མཐོང་ན། ཅི་ཞིག་གིས་མནར་ཅེས་སྨྲས་ཏེ། བྲང་རྡུང་ཞིང་ངུས་ནས་ས་ལ་འགྱེལ་ཏོ།།
333a4 དེ་ནས་དེ་བཞིན་གཤེགས་པས་ཚངས་པའི་དབྱངས་ཀྱིས་ཇི་ལྟར་ཕ་བུ་ལ་བྱམས་པས་སྤྲོ་བ་སྐྱེད་པ་བཞིན་དུ། དགེ་བསྙེན་རྣམས་ལ་བཀའ་སྩལ་པ། ཆོས་ཀྱི་བུ་ཁྱེད་ལོངས་ཤིག། བཅོམ་ལྡན
333a5 འདས་ཀྱིས་ཁྱེད་ཀྱི་ཐེ་ཙོམ་ཡོངས་སུ་བསལ་ཏེ། སྒྲིབ་པ་བྱང་བར་བྱའོ་ཞེས་གསུངས་ནས། བཀའ་སྩལ་པ། ཁྱེད་རྣམས་སྔོན་བསྐལ་པ་གྲངས་མེད་པ་འདས་པའི་སྔོན་རོལ་ན
333a6 འཛམ་བུ་གླིང་གི་ཁམས་ན་སོ་སོ་ནས་དབང་དང་ལྡན་པའི་རྒྱལ་ཕྲན་རེ་རེ་བྱེད་དོ།། དེའི་ཚེ་དགེ་སྦྱོང་དག་ཅིག་འཇིག་རྟེན་པའི་ཁེ་དང་གྲགས་པ་འདོད་པའི་ཕྱིར། ཁྱེད་རྣམས་ལ་དེ་བཞིན་གཤེས
333a7 པའི་གསུང་རབ་ལས་འགལ་བའི་ངན་པར་ལྟ་བའི་ཆོས་བསྟན་ཏེ། ཆོས་རྣམས་ནི་ཆོས་མ་ཡིན་པར་བཤད། ཆོས་མ་ཡིན་པ་རྣམས་ནི་ཆོས་ཡིན་པར་བཤད་དེ། ཁྱེད་རྣམས་དེ་ལ་ཡིད་ཆེས
iiif viewer powered by OpenSeadragon
