| e-texts navigator |
| Wylie |
332b1 ལ་དངུལ་གྱི་ལྷའི་བུ་མོ་རིན་པོ་ཆེར་སྐྱེས་སོ།། དགེ་སློང་དེ་ལ་ཕྱག་འཚལ་ཏེ། དངུལ་གྱི་གདུ་བུ་ཕུལ་བས་ང་འཇིག་རྟེན་དུ་བྱུང་བ་དང་ཕྲད་དེ། བཀྲུས་པ་བཞིན་དུ་ཡོངས་སུ་དག་ནས་དགྲ་བཅོམ་པར
332b2 གྱུར་ཏོ།། དེའི་ཚེ་དགེ་སློང་དེ་ནི་ད་ལྟར་གྱི་ང་ཡིན་ནོ།། བུ་མོ་དེ་དག་ཀུན་ནི་ཁྱེད་ཡིན་ནོ།། ཁྱེད་སྔོན་དགེ་སྦྱོང་ལ་མཆོད་ཅིང་སྨོན་ལམ་བཏབ་ཏེ། སངས་རྒྱས་ལ་ཕྱག་བྱས་པས། སྐྱེ་བ
332b3 ཐམས་ཅད་དུ་སངས་རྒྱས་དང་ཕྲད་པར་གྱུར་ཏོ།། རྒྱལ་པོ་ཡབ་མིའི་རིན་པོ་ཆེ་སངས་རྒྱས་བཅོམ་ལྡན་འདས་ནི་ཀུན་ལ་ཕན་པ་དང་། སྐྱབས་སུ་གྱུར་པའི་བདག་ཉིད་ཡིན་ཏེ། གང་གིས
332b4 མཚན་ཐོས་པ་འམ། ཕྱག་འཚལ་ཞིང་མཆོད་པ་ཆ་ཅིག་ཕུལ་བ་ཙམ་གྱིས་ཀྱང་། བསོད་ནམས་ཀྱི་རྣམ་པར་སྨིན་པའི་འབྲས་བུ་ཆེན་པོ་ཐོབ་ན། སེམས་རྩེ་གཅིག་ཏུ་སངས་རྒྱས་ཀྱི་སྐུ
332b5 ཡིད་ལ་བྱེད་པ་ལྟ་ཅི་སྨོས་ཞེས་གསུངས་སོ།། དེ་ནས་ཡང་དགེ་བསྙེན་གྱི་འཁོར་ལས་སངས་རྒྱས་བཅོམ་ལྡན་འདས་ཀྱི་སླུ་བ་གླང་ནག་པོའི་རྐང་པ་ལྟ་བུར་མཐོང་བ་རྣམས་འདུག
332b6 པ་ལས་ལངས་ཏེ་བླ་གོས་ཕྱོགས་གཅིག་ཏུ་བྱས་ནས། བཅོམ་ལྡན་འདས་གང་ན་བའི་ལོགས་སུ་ཐལ་མོ་སྦྱར་ཏེ། འདི་སྐད་ཅེས་གསོལ་ཏོ།། བདག་ཅག་ཡུལ་འདིར་སྐྱེས་ཏེ། བདག་ཅག
332b7 གི་ཡུལ་གི་རྒྱལ་བུ་རབ་ཏུ་བྱུང་ནས་མངོན་པར་འཚང་རྒྱའོ་ཞེས། དྲང་སྲོང་མི་དཀར་བས་ཀྱང་མཚན་སུམ་ཅུ་རྩ་གཉིས་མངའ་བ་མཐོང་སྟེ། བདག་ཅག་ལ་ཡང་འདི་སྐད་དུསའི་ལྷ་རྒྱལ་བུ་འདི་ནི
iiif viewer powered by OpenSeadragon
