| e-texts navigator |
| Wylie |
332a1 ཤེས་པ་དྲུག་དང་། རྣམ་པར་ཐར་པ་བརྒྱད་དང་ལྡན་པར་གྱུར་ཏོ།། དགེ་སློང་མ་རྣམས་ཀྱིས་ཀྱང་སྔོན་གྱི་ཡུན་རིང་པོའི་གནས་དྲན་པར་གྱུར་ཏེ། སྔོན
332a2 བསྐལ་པ་གྲངས་མེད་པ་འདས་པའི་སྔོན་རོལ་ན། སངས་རྒྱས་ཤཱཀྱ་ཐུབ་པ་ཞེས་བྱ་བ་འཇིག་རྟེན་དུ་བྱུང་ངོ་།། སངས་རྒྱས་དེ་མྱ་ངན་ལས་འདས་པའི་འོག་ཏུ་ཉེ་གནས་རྣམས་རབ་ཏུ་བྱུང་ཞིང
332a3 རྣལ་འབྱོར་དུ་སྤྱོད་པའི་དགེ་འདུན་གྱི་ནང་ན། གང་ཟག་གཅིག་ཅིག་གི་རྒྱུ་ཞིང་སེམས་ཅན་གྱི་དོན་བྱེད་དུ་སོང་བ་ལས་ཡུལ་དགོན་པ་ཞིག་ན་བུ་མོ་ལྔ་བརྒྱ་ཞིག་རུ་ཞིང་འདུག་པ་མཐོང་ངོ་ངོ།།
332a4 དེའི་ཚེ་དགེ་སློང་དེ་སྤྱོད་ལམ་བསྡམས་ཏེ། མཛེས་པའི་ཚུལ་གྱིས་གོམ་པ་དལ་བུས་སུ་བུ་མོ་དེ་དག་གི་དྲུང་དུ་སོང་ནས། གདིང་བ་བཏིང་སྟེ་འདུག་གོ།། བུ་མོ་དེ་རྣམས་ཀྱིས་དེ་དག་མཐོང་ནས
332a5 རབ་ཏུ་དགའ་སྟེ་འདི་སྐད་དུ། ཡུལ་སྟོང་པ་ལྷ་དང་དྲང་སྲོང་རྒྱུ་བའི་གནས་འདི་དག་ཏུ་མིའི་མཆོག་དགེ་སྦྱོང་འདིར་འདུག་པ་འདི་ནི་ངེས་པར་མ་རབས་ཕལ་པ་མ་ཡིན་དུ་ངས་ཀྱིས། བདག་ཅག་མཆོད
332a6 པ་བྱའོ་ཞེས་སྨྲས་ནས། སོ་སོའི་དངུལ་གྱི་གདུ་བུ་ཕུངད་ནས། དགེ་སློང་ལ་གཏོར་ཏོ།། དགེ་སློང་འདི་བརྩོན་འགྲུས་དང་སྤྱོད་པའི་ཡོན་ཏན་དུ་ལྡན་པས་གདོན་མི་ཟ་བར་འཚང་རྒྱ་བར་འགྱུར
332a7 གྱིས་དེའི་དུས་ན་བདག་ཅག་རྣམས་ཀྱིས་མཐོང་བར་ཤོག་ཤིག་ཅེས་སྨོན་ལམ་བཏབ་བོ།། དེའི་ཚེ་ཁྱེད་རྣམས་གདུ་བུ་བོར་བ་ལ་ཆགས་པ་སྐྱེས་པས་སྐྱེ་གནས་ཐམས་ཅད་དུ་དངུལ་གྱི་རི
iiif viewer powered by OpenSeadragon
