| e-texts navigator |
| Wylie |
331b1 འདས་ལ་འདི་སྐད་ཅེས་གསོལ་ཏོ།། དེ་བཞིན་གཤེགས་པས་དིང་སྐུའི་མདོག་དང་། འོད་ཟེར་བཤད་པས་སེམས་ཅན་མང་པོའི་ཁ་ན་མཐོ་བའི་སྡིག་པ་སེལ་བར་འགྱུར་རོ་ཞེས་གསུངས་ན། བདག་ཅག།
331b2 གྱིས་ཅིའི་སླད་དུ་ཐོག་མ་སྐྱེས་ནས་རབ་ཏུ་བྱུང་བ་དང་། ད་ལྟར་གྱི་བར་དུ་སངས་རྒྱས་ཀྱི་སྐུ་དངུལ་གྱི་མདོག་ཏུ་མཐོང་ཞིང་། དངུལ་གྱི་མེ་ཏོག་དང་། དངུལ་གྱི་འོད་དང་། རྒྱན་དང་། ཡོད་བྱད་ཐམས
331b3 ཅད་ཀྱང་དངུལ་གྱི་ཁ་དོག་ཏུ་མཐོང་ན། བདག་ཅག་གིས་ཅིའི་སླད་དུ། དེ་བཞིན་གཤེགས་པའི་སྐུ་གསེར་གྱི་མདོག་ལ་འོད་ལྷམ་མེར་འབར་བ་དང་། མཚན་སུམ་ཅུ་རྩ་གཉིས་བསོད་ནམས་ཀྱི
331b4 འབྲས་བུ་ལས་སྨིན་པ་མ་མཐོང་བར་གྱུར་པ་ལགས་ཞེས་གསོལ་ཏོ།། དེའི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ཀྱིས་གསོལ་བ་ལ་ཞལ་འཛུམ་པ་མཛད་དེ། གསར་གྱི་མདོག་ལྟ་བུའི་འོད
331b5 ཟེར་ཞལ་གྱི་སྒོ་ནས་བྱུང་སྟེ། སངས་རྒྱས་ཀྱི་སྐུ་དངུལ་གྱི་ཁ་དོག་ལྟ་བུ་ལ་ལན་བཅུ་ཚང་བར་བསྐོར་ཏོ།། འོད་ཟེར་དེ་དག་བསྟན་པ་ན། དགེ་སློང་མ་རྣམས་ཀྱིས་ཀྱང་། སངས་རྒྱས་ཀྱི་སྐུ
331b6 གསེར་གྱི་ཁ་དོག་ལྟ་བུ་ལ་མཚན་སུམ་ཅུ་རུ་གཉིས་དང་ལྡན་པ་འོད་ཤིན་ཏུ་གསལ་བར་མཐོང་སྟེ། རྒྱས་པར་ཤད་དུ་བདེ་བར་མི་ནུས་སོ།། དགེ་སློང་མ་རྣམས་ཀྱིས་དེ་ལྟར་མཐོང་ནས། སྨིན
331b7 མཚམས་ཀྱི་མཛོད་སྤུ་དཀར་པོ་ལ་བརྟགས་ན་གཡས་སུ་འཁྱིལ་པ་མཐོང་སྟེ། དེ་ལྟར་མཐོང་ནས་དགའ་བར་གྱུར་པ་དང་དེ་མ་ཐག་ཏུ་དགྲ་བཅོམ་པ་ཐོབ་སྟེ། རིག་པ་གསུམ་དང་། མངོན་པར
iiif viewer powered by OpenSeadragon
