| e-texts navigator |
| Wylie |
307b1 བྱུང་ནས། འོད་སྔ་མ་འཁྱིལ་ཅིང་ཟླུམ་པ་ལ་བསྐོར་ཏོ།། རི་མདོའི་བར་ནུ་སྤྲུལ་པའི་སངས་རྒྱས་གསུམ་གསུམ་བཞུགས་ཏེ། སྤྲུལ་པའི་སངས་རྒྱས་དེ་རེ་རེ་ལ་ཡང་འཁོར
307b2 ཚངས་པའི་རྒྱལ་པོ་གཉིས་ཀྱིས་བསྙེན་བཀུར་བྱེད་དོ།། དེ་དག་ནི་དེ་བཞིན་གཤེགས་པའི་ཞལ་སེང་གེ་ལྟར་གྲལ་བའི་མཚན་ཞེས་བྱ་སྟེ། སངས་རྒྱས་ཡོངས་སུ་མྱ་ངན་ལས་འདས
307b3 ནས། འཁོར་རྣམ་བཞི་ལས་གང་ཞིག་གིས་དེ་ལྟར་རྗེས་སུ་དྲན་པར་བྱས་ན། བསྐལ་པ་བཅུ་སྙེད་ཀྱི་འཁོར་བའི་ཉེས་པ་ཡོངས་སུ་སྤོང་བར་འགྱུར་ཏེ། སྐྱེ་བ་ཕྱི་མའི་གནས་སུ་དེའི
307b4 ཁ་ན་མེ་ཏོག་ཨུ་དུམ་འབར་བའི་བསུང་བྲོ་ཞིང་། སྨྲ་བའི་ཚིག་ཀུན་གྱིས་ཡིད་ཆེས་པར་གྱུར་ཏེ། ཇི་ལྟར་སུམ་ཅུ་རྩ་གསུམ་གྱི་ལྷ་ཐམས་ཅད་བརྒྱ་བྱིན་གྱི་ཚིག་ཉན་པ་བཞིན་ནོ།།
307b5 དེ་ལ་དེ་ལྟར་བལྟའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྟ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། དེ་ལ་ཇི་ལྟར་ན་དེ་བཞིན
307b6 གཤེགས་པའི་ཤངས་ཀྱི་མཚན་རྗེས་སུ་དྲན་པ་ཞེ་ན། དེ་བཞིན་གཤེགས་པའི་ཤངས་པོ་ནི་མཐོ་ལ་ཤིན་ཏུ་དྲང་བ། ཞལ་གྱི་ཐད་ཀར་བར་པ་བྱ་རིག་པའི་རྒྱལ་པོའི་མཆུ་ལྟ་བུ་སྟེ
307b7 ཤངས་ཀྱི་བུ་གུ་ནས་འོད་ཟེར་འབྱུང་ཞིང་ཡང་དྷུ་། སྤྱན་དང་། སྤྱན་གྱི་སྨིན་མ་དང་། སྨིན་མཚམས་ཀྱི་མཛོད་སྤུ་དཀར་པོ་དང་། དབུ་འདབ་ཀྱི་མཛོད་སྤུའི་མཚན་ཀུན་སྣང་བར་བྱས།
iiif viewer powered by OpenSeadragon
