| e-texts navigator |
| Wylie |
306a1 དེ་ལ་ཇི་ལྟར་ན་སངས་རྒྱས་ཀྱི་སྙན་རྗེས་སུ་དྲན་པ་ཞེ་ན། སངས་རྒྱས་ཀྱི་སྙན་ནི་རབ་ཏུ་འཕྱང་ལ་སྙན་གྱི་ནང་ནས་སྤུ་ཉག་མ་བདུན་འཁྱིལ་ཅིང་སྐྱེ་བ་ལས་ཁྲེམ་ཉེར་གྱི
306a2 མཚན་དང་ལྡན་པ་སྟེ། རྒྱལ་པོའི་ཁབ་ཏུ་བལྟམ་ནས་ཐོག་མ་སྙན་འབུགས་པའི་ཚེ་ན། སྙན་གཉིས་ཀྱི་བུ་ག་ནས་ཕྱི་ནང་དུ་མེ་ཏོག་སྐྱེས་ཤིངམེ་ཏོག་དང་སྤུ་ཉག་མ་བདུན
306a3 ལས་འོད་རྣམ་པ་ལྔ་བརྒྱ་བྱུང་ངོ་།། འོད་ལྔ་བརྒྱ་དེ་དག་ལས་ཁ་དོག་རྣམ་པ་ལྔ་བརྒྱ་སྟེ། ཁ་དོག་དེ་གཅིག་ལ་ཡང་སངས་རྒྱས་ལྔ་བརྒྱ་སྙེད་དོ།། སངས་རྒྱས་དེ་གཅིག་ལ་ཡང
306a4 འཁོར་བྱང་ཆུབ་སེམས་དཔའ་ལྔ་ལྔ་དང་། དགེ་སློང་ལྔ་ལྔའོ།། དེ་ཡང་འོད་དེ་དག་གིས་གཡས་ནས་རིམ་པ་ལྔར་བསྐོར་ཏེ། བླ་འོག་མཚམས་མཉམ་ཞིང་སངས་རྒྱས་ཀྱི་སྙན
306a5 འཚེར་བ་ཡིད་དུ་འོང་བ་ནི། རིན་པོ་ཆེའི་པདྨོ་ཉི་ཟེར་ལ་དབྱངས་པ་ལྟ་བུར་ཤིན་ཏུ་འཚེར་བའོ།། སངས་རྒྱས་འཇིག་རྟེན་ན་བཞུགས་པའི་ཚའཁོར་མང་པོ་ཐམས་ཅད་ཀྱིས
306a6 མཚན་དེ་དག་མཐོང་བར་གྱུར་ཏེ་དེ་དག་ནི་སངས་རྒྱས་ཀྱི་སྙན་གྱི་འོད་ཟེར་ཅེས་བྱའོ།། རྒྱལ་པོ་ཡབ་འཁོར་རྣམ་བཞི་ལས་གང་ཞིག་འདུ་འཛི་ཡོངས་སུ་སྤངས་ཏེ། སངས
306a7 རྒྱས་ཀྱི་སྙན་གྱི་མཚན་ཡང་དག་པར་རྗེས་སུ་དྲན་པར་ཡིད་ལ་བྱས་ན། གང་ཟག་དེ་སྐྱེ་བའི་གནས་ཀུན་ན་རྣ་བའི་དབང་པོ་ཡོངས་སུ་དག་ཅིང་དྲི་མ་མེད་པར་འགྱུར་བླ་ན་མེད་པའི་གསུང
iiif viewer powered by OpenSeadragon
