| e-texts navigator |
| Wylie |
305b1 བཟང་པོའི་སངས་རྒྱས་སྟོང་དག་གིས་ཀྱང་བྱིན་གྱིས་བརློབ་ཅིང་སྐྱོབ་པར་འགྱུར་ཞིང་སེམས་ཀྱང་པདྨོ་ལྟ་ཅིས་ཀྱང་མི་འགོག་པ་དང་། ནམ་དུ་ཡང་ངན་སོང་གསུམ་དང
305b2 ཁོམ་པ་བརྒྱད་ཀྱི་གནས་སུ་མི་སྐྱེའོ།། གལ་ཏེ་མཚན་རྣམས་ལ་བརྟགས་ཀྱང་མི་མཐོང་ན། མཆོད་རྟེན་གྱི་ནང་དུ་ཞུགས་ཏེ་བརྟག་གོ།། མཆོད་རྟེན་གྱི་ནང་དུ་ཞུགས་ནས
305b3 ལྟར་འོད་ཟེར་རྣམས་ཀྱང་སེམས་ལ་འདུ་ཤེས་པར་བྱས་ཏེ། ཐལ་མོ་སྦྱར་ན་པུས་མོ་བཙུགས་ལ་ཤིན་ཏུ་རྟོགས་པར་ཞག་གཅིག་ནས་ཞག་གསུམ་གྱི་བར་དུ་འཁྲུལ་པ་མེད་པར་བརྟག
305b4 ན་ཚེའི་དུས་བྱས་མ་ཐག་ཏུ་དགའ་ལྡན་གནམ་དུ་སྐྱེས་ཏེ། སངས་རྒྱས་བྱམས་པ་མཚན་གྱིས་མཛེས་པར་བརྒྱན་པའི་སྐུས་ཅི་དང་ཅིས་འདུལ་བ་བཞིན་དུ་དེ་དང་དེས་ཆོས
305b5 སྟོན་པ་མཐོང་བར་འགྱུར་རོ།། དེ་དག་མཐོང་ནས་ལུས་དང་སེམས་རབ་ཏུ་དགའ་རངས་ཤིང་ཡང་དག་པའི་ཆོས་རྣམས་ཆུད་ཅིང་རྟོགས་པར་འགྱུར་རོ།། རྒྱལ་པོ་ཡབ་དེ་ལ་ད་ལྟར
305b6 བལྟའོ།། གང་གི་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྟ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། སངས་རྒྱས་རྗེས་སུ་དྲན་པའི་ཏིང་ངེ
305b7 འཛིན་གྱི་རྒྱ་མཚོ་ཞེས་བྱ་བའི་མདོ།། ། བམ་པོ་གསུམ་པ། བཅོམ་ལྡན་འདས་ཀྱིས་རྒྱལ་པོ་ཡབ་ལ་འདི་སྐད་ཅེས་བཀའ་སྩལ་ཏོ།།
iiif viewer powered by OpenSeadragon
