| e-texts navigator |
| Wylie |
303b1 མོར་ཐུག་ནས་དུང་གི་རི་མོ་ལྟར་འཁྱིལ་ཞིང་། དེ་དག་བུང་བའི་འདབ་མ་འམ། རྨ་བྱའི་མདོངས་ཀྱིས་ཀྱང་བསྐྲུན་དུ་མེད་དོ།། དཔེར་ན་སོལ་བའི་ཕུང་པོ་དང་། བེ་ཌཱུངྒའི་འོད
303b2 དུ་བསྐྲུན་པ་བཞིན་ཏེ། དེ་ཡང་ཕྱིར་ཡས་ཐུར་དུ་གུག་ཅིང་འཕྱངས་ཏེ། ལྷག་པའི་རུས་པའི་གནས་ཀུན་ཏུ་ཞུགས་སོ།། དེ་ནས་ཕྱིར་བྱུང་ཞིང་འཁྱིལ་ནས་འོད་ཀྱིས
303b3 དབུ་ལ་ལན་བདུན་དུ་བསྐོར་ཏོ།། རི་མོ་དེ་དག་རེ་རེའི་བར་ན་སྤྲུལ་པའི་སངས་རྒྱས་རེ་རེ་བཞུགས་ཏེ། འཁོར་བྱང་ཆུབ་སེམས་དཔའ་གཉིས་གཉིས་དང་། དགེ་སློང་གཉིས
303b4 གཉིས་ཀྱི་བསྙེན་བཀུར་བྱེད་དོ།། དེ་དག་ཀྱང་སོ་སོ་ན་པདྨོ། གེ་སར་ལ་བཞུགས་ཤིང་། སྔ་མ་པས་ལྷག་པར་ཡིད་དུ་འོང་ལ་མངོན་པར་གསལ་ལོ།། སྤྱན་གྱི་སྨིན་མའི་འོག
303b5 གི་རིམ་གསུམ་དང་། སྤྱན་གྱི་གྲཝ་ནས་ཀྱང་འོད་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་བཞི་འཁྱིལ་ཅིང་འབྱུང་སྟེ། སྤྱན་གྱི་རུས་པར་ཞུགས་ནས
303b6 སྤྱན་གྷི་སྨིན་མའི་ཐོག་མ་ནས་བྱུང་སྟེ། སྔ་མ་བཞིན་ལྷག་ཁུང་ནས་བྱུང་ནས་འོད་ལ་ལན་བཞི་བསྐོར་ཏེ། འོད་ཟེར་དེ་ཡང་ཤིན་ཏུ་མངོན་ཞིང་གསལ་ལོ།། འོད་ཁ་དོག་སར
303b7 པོ་ལ་ནི་སྤྲུལ་པའི་སངས་རྒྱས་ཀྱི་སྐུ་ཡང་གསེར་བཙོ་མའི་ཁ་དོག་ལྟ་བུར་སེར་རོ།། འོད་ཁ་དོག་དཀར་པོ་ལ་ནི་སྤྲུལ་པའི་སངས་རྒྱས་ཀྱི་སྐུ་ཡང་དངུལ་གྱི་མདོག་ལྟར་དཀར
iiif viewer powered by OpenSeadragon
