| e-texts navigator |
| Wylie |
302a1 བྱས་པ་ནི་མཛོད་སྤུ་དཀར་པོའི་འོད་ཟེར་གྱི་མཚན་ཞག་བརྒྱད་བརྒྱ་ཡིད་ལ་བྱས་ནས། གདོད་ལས་སུ་བྱ་བའི་ཆོས་གཞན་བྱའོ།། བཅོམ་ལྡན་འདས
302a2 ཀྱིས་བཀའ་སྩལ་པ། རྒྱལ་པོ་ཡབ་དེ་བཞིན་གཤེགས་པ་ལ་མཚན་བཟང་པོ་གྲངས་མེད་པ་ཞིག་མངའ་སྟེ། མཚན་དེ་རེ་རེའི་ནང་ན་ཡང་མཚན་ཕྲ་མོ་བརྒྱད་ཁྲི་བཞི་སྟོང་སྙེད་མངའོ།།
302a3 དེ་སྙེད་ཀྱི་མཚན་དང་དཔེ་བྱད་མངའ་བ་ཡང་མཛོད་སྤུ་དཀར་པོའི་ཡོན་ཏན་གྱི་ཕྱོགས་ཅུང་ཟད་ཙམ་ཡང་མེད་དོ།། དེ་བས་ན་མ་འོངས་པའི་སྐྱེ་བོ་དྲན་པ་རྣམས་ཀྱི་ཕྱིར། མཛོད་སྤུ
302a4 དཀར་པོའི་མཚན་ཤེས་རབ་ཆེན་པོའི་འོད་ཟེར་གྱིས་ཉེས་པ་ཞི་བར་བྱེད་པ་རྗེས་སུ་དྲན་པའི་ཆོས་བཤད་དོ།། གང་ངན་པར་ལྟ་བ་རབ་ཏུ་སྡིག་ཆེ་བ་དག་ཀྱང་ཉེས་པ་རྗེས་སུ་དྲན་པའི
302a5 ཆོས་མཚན་ཕུན་སུམ་ཚོགས་པ་འདི་ཐོས་ན་ཞེ་སྡང་གི་སེམས་སྐྱེ་བའི་གནས་མེད་དོ།། ཅི་སྟེ་སྐྱེས་ན་ཡང་མཛོད་སྤུ་དཀར་པོའི་མཚན་གྱི་འོད་ཟེར་གྱི་ཟིལ་གྱིས་ནོན་ཏེ།
302a6 ཚིག་འདི་ཐོས་པ་ཙམ་གྱིས་བསྐལ་པ་གསུམ་གྱི་སྡིག་པ་འབྱང་ཞིང་།། སྐྱེ་བ་ཐ་མར་སངས་རྒྱས་རྣམས་ཀྱི་སྤྱན་དང་སྐྱེ་བར་འགྱུར་རོ།། དེ་ལྟ་བུ་ལ་སོགས་པ་འོད་ཟེར་རྗེས་སུ
302a7 དྲན་པ་འོད་ཟེར་བརྒྱ་སྟོང་སྙེད་ཀྱི་སྤྱོད་ཡུལ་དམ་པ་ནི་རྒྱས་པར་བཤད་དུ་མེད་དོ།། མཛོད་སྤུ་དཀར་པོ་རྗེས་སུ་དྲན་པ་ན་མཚན་བཟང་པོ་རྣམས་ཀྱང་མཐོང་བར་འགྱུར་རོ།། དེ་ལ
iiif viewer powered by OpenSeadragon
