| e-texts navigator |
| Wylie |
281b1 བདུད་ཀྱི་རྒྱལ་པོ་གང་ན་བར་འོངས་ནས། བདུད་ལ་སྤྱི་བོས་གཏུགས་ཏེ་ཕྱག་འཚལ་ནས་འདི་སྐད་ཅེས་སྨྲས་སོ།། ལྷའི་རྒྱལ་པོ་དམག་གི་དཔུང་རྣམས་ཇི་སྐད་དུ་བསྒོ་ཞིང
281b2 བསྡུ་བར་བགྱི་བདུད་སྡིག་པ་ཅན་གྱིས་སྨྲས་པ་ཁྱོད་ཀྱིས་ངའི་ཚིག་འདིས་གནམ་རིམ་པ་དྲུག་དང་། ཡི་དགས་ཀྱི་རྒྱལ་པོ་དང་། གཞན་ཡང་སྡེ་བརྒྱད་དང་། འབྲོག
281b3 དགོན་པའི་ཡི་དྭགས་དང་། དམྱལ་བ་བཅོ་བརྒྱད་དང་། གཤིན་རྗེའི་འཇིག་རྟེན་ལ་སོགས་པའི་འཁོར་ཀུན་ཏུ་སྐད་ཀྱིས་སྒྲོགས་ཏེ་ཐམས་ཅད་ཀུན་ནས་དགེ་སྦྱོང་གོའུ་ཏ་མ
281b4 ག་ན་བསྡུས་ཤིག་ཅེས་བསྒོའོ།། དེའི་ཚེ་དེ་བཞིན་དུ་བསྒོ་བ་དང་། ཡི་དགས་ཀུན་ཕྱོགས་བཞི་ནས་སྤྲིན་ལྟར་ལངས་ཏེ་འདུས་སོ།། ཡི་དགས་ལ་ལ་ནི་བ་གླང་གི་མགོ་ཅན
281b5 ལ་རྣ་བ་བཞི་བཅུ་ཡོད་པ། རྣ་བ་དེ་དག་གི་ནང་ན་ལྕགས་ཀྱི་མངའ་སྐྱེས་ལ། མཽ་རབ་ཏུ་འབར་ཏེ་མཐོ་ཁྱད་དཔག་ཚད་གཅིག་ཏུ་ཕྱིན་པ། རཱ་བཅོ་བརྒྱད་ཡོད་པ་ལ་རྭའི་རྩ
281b6 མོ་ལ་རི་བཏག་སྟེ། རིའི་སྟེང་ན་ཀླུ་ཡོད་པ། ཀླུའི་ཁ་ན་ལྕགས་ཀྱི་ཐུ་ལུམ་ཁྱེར་བ་ཡང་ཡོད་དོ།། ཡི་དགས་ལ་ལ་ནི་ཝ་མགོ་ཅན་ལ་མིག་སྟོང་ཕྲག་བཅུ་ཡོད་པ་མིག་གི
281b7 རྫི་སྤུ་ཆེ་ཞིང་རིང་ལ་གནམ་ལྕགས་ལྟར་འབར་བ། སྤྱི་བོ་ན་ཁ་ཡོད་ན། ཁ་ནས་མ་རབ་ཏུ་འབར་བ། ལུས་ཀྱི་སྤུ་ཐམས་ཅད་རལ་གྲིའི་ཚལ་ལྟར་འདུག་པ་ཡང་ཡོད་དོ།།
iiif viewer powered by OpenSeadragon
