| e-texts navigator |
| Wylie |
280b1 དེའི་ཚེ་བདུད་སྡིག་པ་ཅན་གྱིས་ལྷའི་མིག་གིས་རྐྱང་མ་ནས་ལྷས་ན། འཛམ་བུའི་གླིང་ན་ཤཱཀྱའི་བུས་རྒྱལ་སྲིད་མཆིལ་མ་བཞིན་དུ་བོར་ནས། བྱང་ཆུབ་ཀྱི་ཤིང་དྲུང་ན་བཞུགས་ཏེ།
280b2 སྐུ་སྐམས་ཤིང་རྒྱུན་རིངས་ཀྱི་ནང་པ་ལྟར་ཉམ་ཆུང་ལ་རིད་དེ། གསེར་བཙོ་མའི་ཁ་དོག་ལྟ་བུའི་འོད་ཟེར་འབྲའ་ཤིག་ནི་འཕགས་པར་གསལ་བ་ལ། སྤྱན་གྱི་འབྲས་བུ་ནི་ཁྲོན་པའི
280b3 གཏིང་གི་སྐར་མ་བཞིན་ཏེ། རྒོང་ཞིང་གནག་པ། རུས་པའི་ཚིགས་གཅིག་ལ་ཅིག་རྟེན་ཅིང་། ཀླུ་འཁྱིལ་བའི་རི་མོ་ཡང་ཉམས་པར་མཐོང་ནས། བདུད་སྡིག་པ་ཅན་རབ་ཏུ
280b4 དགའ་བར་གྱུར་ཏེ། འདི་སྐད་ཅེས་སྨྲས་སོ།། དགེ་སྦྱོང་གོའུ་ཏ་མ་ཉམ་ཆུང་ལ་རིད་དེ། རུས་པ་ཡང་རྩཝ་རུལ་པ་དང་འདྲ་སྟེ། འོད་གསལ་བ་ལྟར་བྱེད་ཀྱང
280b5 འཚོ་བའི་དབང་པོས་རིང་པོ་མ་ཐུབ་ལ། བྱང་ཆུབ་ཆེན་པོ་ཡང་མི་འགྲུབ་པས། དེ་མ་རུང་བར་བྱ་བའི་ཕྱིར་གང་ན་བར་འགྲོའོ་ཞེས་སྨྲས་ནས། མིག་བསྐྲད་དེ་རབ་ཏུ་ཁྲོས
280b6 ནས་གནོད་སྦྱིན་གྱི་རྣམས་ལ་དམག་དཔུང་རྣམས་རིངས་པར་སྡུས་ཤིག། བདག་ཅག་འཛམ་བུ་གླིང་དུ་གོའུ་ཏ་མ་ལ་རྒོལ་དུ་འདོང་ངོ་ཞེས་སྒོའོ།། དེའི་ཚེ་བདུད་ཀྱི་རྒྱལ་པོའི་བུ་བ་ཏུ
280b7 ལ་ཞེས་བྱ་བས་པུས་མོའི་ལྷ་ང་ས་ལ་བཙུགས་ནས། ཕ་ལ་འདི་སྐད་སྨྲས་སོ།། རྒྱལ་པོ་ཟས་གཙང་མའི་སྲས་དེ་ཐོག་མ་བཙས་པའི་ཚེ་ནས། ལྷ་ཐམས་ཅད་ཀྱིས་ཡོངས
iiif viewer powered by OpenSeadragon
