| e-texts navigator |
| Wylie |
280a1 འདིའི་ཚེ་རིང་པོ་མོ་ཐོགས་སོ་ཞེས་སྨྲས་པ་ལས་མཚན་བཟང་པོ་འདི་ལས་བལྟས་ན་གདོན་མི་ཟ་བར་མངོན་པར་རྫོགས་པར་འཚང་རྒྱ་སྟེ། ཐེ་ཚོམ
280a2 མ་མཆིས་སོ།། བླ་ན་མེད་པའི་ཤེས་རབ་ཀྱི་ཉི་མ་རིང་པོ་མི་ཐོགས་པརའཇིག་རྟེན་དུ་ཤར་བར་འགྱུར་རོ་ཞེས་སྨྲས་ནས། ལན་བརྒྱ་སྟོང་དུ་བསྐོར
280a3 བ་བྱས་ཏེ། སོ་སོའི་གནས་གནས་སུ་ཕྱིར་སོང་ངོ་།། དེ་སྐད་ཅེས་སྨྲས་པའི་སྒྲ་དབྱངས་ཀྱིས་འདོད་པའི་ཁམས་སུ་གྲགས་པར་གྱུར་ཏོ།། རྒྱལ་པོ་ཡབ་སངས་རྒྱས་ཡོངས་སུ
280a4 མྱ་ངན་ལས་འདས་ནས། འཁོར་རྣམ་བཞི་ལས་དེ་བཞིན་གཤེགས་པའི་དཀའ་བ་སྤྱོད་པའི་ཚེའི་མཛོད་སྤུ་དཀར་པོའི་མཚན་རྟག་པར་འདོད་པ་དག་དེ་ལ་དེ་ལྟར་བལྟའོ།། གང་གིས
280a5 དེ་ལྟ་བུར་མཐོང་བ་དེ་ནི། ཡང་དག་པར་མཐོང་བའོ།། གང་གིས་ཏེ་དེ་ལྟ་མ་ཡིན་པར་མཐོང་བ་དེ་ནི། ལོག་པར་མཐོང་བའོ།། མཚན་རྗེས་སུ་དྲན་པ་ཞེས་བྱ་བའི་ལེའུ་སྟེ་གསུམ
280a6 མོ།། ། སངས་རྒྱས་རྗེས་སུ་དྲན་པའི་ཏིང་ངེ་འཛིན་གྱི་རྒྱ་མཚོ་ཞེས་བྱ་བ་ཐེག་པ་ཆེན་པོའི་མདོ། བམ་པོ་གཉིས་པ།
280a7 ནས་བཅོམ་ལྡན་འདས་ཀྱིས་རྒྱལ་པོ་ཡབ་ལ་ཡང་འདི་སྐད་ཅེས་བཀའ་སྩལ་ཏོ།། དེ་ལ་ཇི་ལྟར་ན་བྱང་ཆུབ་སེམས་དཔའ་བདུད་བཏུལ་བའི་ཚེའི་མཛོད་སྤུ་དཀར་པོའི་མཚན་ཞེ་ན།
iiif viewer powered by OpenSeadragon
