| e-texts navigator |
| Wylie |
277b1 སྐད་ཅེས་གསོལ་ཏོ།། ལྷ་རྣམས་བཏུད་དེ་ཐལ་མོ་སྦྱར་ནས། ནམ་མཁའ་ལ་འཁོད་པ་དག་ཚིག་འཐུན་པར་རབ་ཏུ་བྱུང་བའི་ཡོན་ཏན་སྒྲོགས་སོ།། རྒྱལ་བུ་མྱུར་དུ་ཆིངས་ལ
277b2 བཅིབས་ཏེ། གཤེགས་པའི་དུས་ལ་བབ་བོ།། དེ་ནས་རྒྱལ་བུས་མཛོད་སྤུ་དཀར་པོ་བརྐྱང་ནས་སྲུང་མའི་བུ་མོ་རྣམས་ཀྱིས་མཐོང་བར་བྱས་པ་དང་། ལུས་དང
277b3 སེམས་རབ་ཏུ་དགའ་བ་ནི། ཇི་ལྟར་དགེ་སློང་གིས་བསམ་གཏན་གསུམ་པ་ཐོབ་པ་ལྟར་དགའ་བར་བྱས་ཏེ། ཕྱིར་ཡང་གཡས་སུ་འཁྱིལ་ནས། སྨིན་མཚམས་ཀྱི་མཛོད་དུ
277b4 ཞུགས་སོ།། ལྷ་དེ་དག་ཐམས་ཅད་ཀྱིས་ནི་རྒྱལ་བུའི་སྨིན་མཚམས་ཀྱི་མཛོད་སྤུ་ལས་འོད་བརྒྱ་སྟོང་འབར་བའི་འོ་མའི་ཀླུང་ལྟར་ཀུན་ཏུ་འབབ་པར་མཐོང་སྟེ། འོ་མའི་ཀླུང་ལྟ་བུལ
277b5 སྤྲུལ་པའི་བྱང་ཆུབ་སེམས་དཔའ་སྤྲུལ་པའི་པདྨོ་ལ་བཞུགས་ཤིང་ཐམས་ཅད་ཀྱང་རབ་ཏུ་བྱུང་བའི་ཡོན་ཏན་སྒྲོགས་སོ།། སྤྲུལ་པའི་བྱང་ཆུབ་སེམས་དཔའ་དེ་དག་གི་སྨིན་མཚམས
277b6 ན་འོ་མའི་ཀླུང་ལྟ་བ་འབབ་པ་དང་། འོད་གཟེར་འབྱུང་བ་ཡང་དེ་བཞིན་ནོ།། རྒྱལ་པོ་ཡབ་དེ་དག་ནི། བྱང་ཆུབ་སེམས་དཔའ་རབ་ཏུ་བྱུང་བའི་ཚེའི་མཛོད་སྤུ་དཀར་པོའི་མཚན
277b7 གྱི་ལྟས་མང་པོ་ཞེས་བྱ་སྟེ། སངས་རྒྱས་ཡོངས་སུ་མྱ་ངན་ལས་འདས་ནས། འཁོར་རྣམ་བཞི་ལ་དེ་བཞིན་གཤེགས་པ་རབ་ཏུ་བྱུང་བའི་ཚེ་མཛོད་སྤུ་དཀར་པོའི་མཚན་བཟང་པོ
iiif viewer powered by OpenSeadragon
