| e-texts navigator |
| Wylie |
258b1 དེའི་ཚེ་བཅོམ་ལྡན་འདས་ཀྱིས་སྐུ་ཀུན་ཏུ་སྟོན་པ་ཞེས་བྱ་བའི་ཏིང་ངེ་འཛིན་ལ་མཉམ་པར་གཞག་གོ།། ཏིང་ངེ་འཛིན་དེ་ལས་བཞེངས་ནས་འཛུམ་པ་མཛད་དེ། སངས་རྒྱས་དག
258b2 གིས་ཆོས་ཉིད་ཀྱིས་འཛུམ་པ་མཛད་ན། ཁ་དོག་རྣམ་པ་ལྔ་དང་ལྡན་པའི་འོད་ཟེར་ཞལ་གྱི་སྒོ་ནས་བྱུང་ངོ་།། ཁ་དོག་རྣམ་པ་ལྔ་པོ་དེ་དག་ལས་འོད་ཁ་དོག་ལྔ་བརྒྱར་གྱུར་ནས། ཞལ་གྱི
258b3 སྒོ་ནས་བྱུང་སྟེ། རྒྱལ་པོ་ཡབ་ཀྱི་སྤྱི་བོ་ལ་རེག་པར་བྱས་སོ།། རྒྱལ་པོ་ཡབ་ཀྱི་སྤྱི་བ་ནས་འོད་ངེས་འོད་ཀྱི་ཁང་པ་བརྩེགས་པ་སྣང་བར་བྱས་སོ།། འོད་ཀྱི་ཁང་པ་བརྩེགས་པ
258b4 ལ་གཞལ་མེད་ཁང་སྣང་བར་གྱུར་ནས་མི་མཇེད་ཀྱི་འཇིག་རྟེན་གྱི་ཁམས་ཀྱང་སྣང་བར་གྱུར་ཏེ། ཕྱིར་བཅོམ་ལྡན་འདས་ཀྱི་གཙུག་ཏུ་ནུབ་བོ།། དེ་ནས་བཅོམ་ལྡན
258b5 འདས་ཀྱིས་རྒྱལ་པོ་ཡབ་ལ་བཀའ་སྩལ་པ། ལེགས་པར་ཉོན་ལ་རབ་ཏུ་ཡིད་ལ་ཟུང་ཤིག་དང་། མ་འོངས་པའི་སེམས་ཅན་རྣམས་ཀྱིས་སངས་རྒྱས་མཐོང་བར་འགྱུར་བའི་ཆོས་དེ་བཞིན
258b6 གཤེགས་པས་བཤད་པར་བྱའོ།། བཅོམ་ལྡན་འདས་དེ་ལྟར་བགྱིའོ་ཞེས་གསོལ་ནསརྒྱལ་པོ་ཡབ་བཅོམ་ལྡན་འདས་ལ་ཕྱིར་ཉན་ཏོ།། དེ་ནས་བཅོམ་ལྡན་འདས
258b7 ཀྱིས་དེ་ལ་འདི་སྐད་ཅེས་བཀའ་སྩལ་ཏོ།། འཛམ་བུ་གླིང་ན་སེང་གའི་རྒྱལ་པོ་བྱེ་མ་ལ་ཞེས་བྱ་བ་ཡོད་དེ། སེང་གེའི་ཆོས་ཀྱིས་ལོ་བཞི་བཅུར་ཚང་ན་ཕོ་མོ་གདོད་ཕྲད་དེ། ལན
iiif viewer powered by OpenSeadragon
