| e-texts navigator |
| Wylie |
146a1 མིནས་གཞརང་སྒུར་པོ་ཡ་ཙནྡྲ་མི་འགྱུར།། ཁྲུས་ནི་ཁྱད་པར་འཕགས་ཤིང་ཤིན་ཏུ་མཛེས།། བཅོམ་ལྡན་མཆོད་རྟེན་རོལ་མོའི་སྒྲ་བྱས་ན།། ལྷ་འམ་ཀླུའམ་མིའམ་ལྟོ་འཕྱེ་ཆེ།
146a2 སུ་ཡང་དེ་ལ་མ་དང་སྐྱེ་མི་འགྱུར།། དབུགས་ཕྱིན་ཐོབ་ནས་འཇིག་རྟེན་ཀུན་དུ་རྒྱུ།། བཅོམ་ལྡན་མཆོད་རྟེན་རོལ་མོའི་སྒྲ་བྱས་ན།། དོ་ནི་མ་ནིང་ཟ་མར་གཞར་མི་འགྱུར།། ནམས་ཀྱང་མཛེ་དང་ཤ་བཀྲ་མི་འབྱུང་ཞིང་།
146a3 བསྔགས་པར་འོས་པའི་ལུས་ནི་ཐོབ་པར་འགྱུར།། བཅོམ་ལྡན་མཆོད་རྟེན་རོལ་མོའི་སྔ་བྱས་ན།། ལྕེ་རིང་འགྱུར་ཞིང་ལུས་ཀྱང་ཆེ་བར་འགྱུར།། གསེར་གྱི་གཟུགས་ལྟར་ཁ་དོག་འབར་བར་འོང་།། ཏིང་འཛིན
146a4 བརྟན་ཞིང་ཤིན་ཏུ་རྟོགས་པར་འགྱུར།། བཅོམ་ལྡན་མཆོད་རྟེན་རོལ་མོའི་སྒྲ་བྱས་ན།། ལྷ་ནང་བདག་པོར་འགྱུར་ཞིང་དབང་ཕྱུག་འགྱུར།། མི་ཡི་འཇིག་རྟེན་སྐྱེས་ན་དགའ་བར་འོང་།། བརྩོན་འགྲུས་ལྡན་ཞིང
146a5 བག་ཡོད་འབར་བར་འགྱུར།། བཅོམ་ལྡན་མཆོད་རྟེན་རོལ་མོའི་སྒྲ་བྱས་ན།། དེ་ལ་སུ་ཡང་ཡིད་མི་བདེ་མི་སྐྱེད།། དེ་ལ་སུ་ཡང་ཚིག་རྩུ་བ་སྤབ་མེད།། ཕྲ་མ་ཐམས་ཅད་སྤངས་ཤིང་ཡང་དག
146a6 སྨ། བསོད་ནམས་འདོད་པ་སུ་ཞིག་ཕྱགས་ཐོགས་ཏེ།། བཅོམ་ལྡན་མཆོད་རྟེན་གུས་པར་འཕྱག་བྱེད་པ།། དེ་ནི་སྨད་ཅིང་མི་གཙང་ལུས་མི་འགྱུར།། བ་སྦུ་ཁུང་ནས་ཙན་དན་དྲི་ངར་འབྱུང་།། བཅོམ
146a7 ལྡན་མྱ་ངན་འདས་པའི་མཆོད་རྟེན་ཕྱགས།། བསྐལ་པ་བྱེ་བ་ཟག་ཁྲིག་བརྒྱ་སྟོང་དུ།། ཡན་ལག་མ་སྨད་ཁྱད་འཕགས་ལུས་ཐོབ་ཅིང་།། མཛེས་ལ་མཚན་གྱིས་གོ་ཆར་བྱས་པར་འགྱུར།། བཅོམ་ལྡན
iiif viewer powered by OpenSeadragon
