| e-texts navigator |
| Wylie |
138b1 བརྗོད་མི་ནུས།། མར་མེ་མཛད་ནས་བཟུང་ནས་ནི།། མ་འོངས་བསྐལ་པ་ཇི་སྙེད་པ།། དེ་ཡི་བར་དུ་ཤིང་ལྗོན་རྣམས།། ཇི་སྙེད་མ་འོངས་འབྱུང་འགྱུར་བ།། དེ་དག་འབྲས་བུ་མེ་ཏོག་རྣམས།། དེ་དགཟང་།
138b2 པར་ཤེས་པར་ནུས།། བསྐལ་པ་བྱེ་བ་སྟོང་རྣམས་དང་།། ཁྲག་ཁྲིག་དག་ནི་བརྒྱ་བགྲངས་པར།། བརྩོན་པ་ཞིག་གིས་དེ་དག་གི། བསྔགས་འཕྲེང་ཡིད་དུ་འོང་བརྗོད་ཀྱང་།། སངས་རྒྱས་སྲས་པོ་དེ་དག
138b3 གི་ཡོན་ཏན་མཐའ་ནི་བརྗོད་མི་ནུས།། སངས་རྒྱས་སྲས་པོ་དེ་དག་ལ།། མི་གང་མི་དགའ་བྱེད་པ་དེ།། ལྷ་དང་མི་ནི་སྤངས་ནས་སུ།། དེ་དག་དམྱལ་བ་སྤྱོད་ཡུལ་འགྱུར།། བྱང་ཆུབ་སེམས་དཔའ་རྣམ
138b4 ལ་ནི། ཏམི་གང་ལ་ལ་གནོད་བྱེད་པ།། མིག་མེད་པའམ་ལོང་བ་དང་།། སྡུག་བསྔལ་དཔུང་གཉེན་མེད་པར་འགྱུར།། ཤི་འཕོས་ནས་ནི་མནར་མར་འགྲོ།། དེ་ནི་འབར་ཞིང་འཇིགས་སྐྲག་འགྱུར།། ལུས
138b5 ནི་ཆེན་པོར་གྱུར་ནས་ཀྱང་།། སྡུག་བསྔལ་ཚོ་བ་མྱོང་བར་འགྱུར།། ཚེ་རབས་དེ་དང་དེ་དག་ཏུ།། དེ་ལུས་དཔག་ཚད་ཙམ་འགྱུར་ཏེ།། དེ་དག་ཕྲུམ་ལྟར་སྦྲུ་མ་གྱུར་ལ།། ཀུན་ནས་ཡོངས་སུ་བ.རའ་བར་འགྱུར།།
138b6 དེ་ཚེ་ལུས་ལ་མགོ་བོ་ནི།། ལྔ་སྟོང་ཡོད་པར་འགྱུར་འགྱུར་ཞིག།། མགོ་བོ་དེ་དག་རེ་རེ་ལས་འང་།། ལྕེ་ནི་ལྔ་རྒྱ་ཟམ་པ་ཡོད།། གཅིག་ལའང་ཐོང་ཤོལ་བརྒྱ་དག་གིས།། ལྕེ་ནི་རབ་ཏུ་རྨོ་བར་འགྱུར།། སྡིག་པའི
138b7 ལས་ནི་རྣམ་སྨིན་གྱིས།། མི་བཟད་ཆེན་པོར་གཤེགས་པར་འགྱུར།། མནར་མེད་དེ་ནས་ཤི་འཕོས་ནས།། དེ་ནི་ཚ་དང་རབ་ཚ་བར།། བློ་གྲོས་ངན་པ་ཚོར་བ་མྱོང་།། དེ་སྔོན་ཉེས་བྱས་འབྲས་བུ་ཡིན།། བྱང་ཆུབ
iiif viewer powered by OpenSeadragon
