| e-texts navigator |
| Wylie |
137b1 བརྗིད།། ཡུལ་འཁོར་དག་དང་ཟོང་ཁྱེར་དག། རིགས་དེར་བ་སྟི་སྟང་བྱེད་པར་འགྱུར་རོ།། སངས་རྒྱས་གཞན་གྱིས་མི་ཐུབ་པ།། གང་གཉིས་མཆོག་ལ་སུ་མཆོད་པ།། དེ་དག་མཐུ་སྟོབས་ཆེ་བ་དང་།
137b2 གཡོག་འཁོར་ཆེན་པོས་མཛེས་པར་འགྱུར།། བྱང་ཆུབ་ཏུ་ནི་སེམས་བསྔོས་ཏེ།། འཕྲེང་བའི་གཙུག་ལག་ཁང་བྱས་ན།། སངས་རྒྱས་རྣམས་ཀྱིས་གང་སྔགས་པའི།། འབྱོར་པ་དག་ནི་དེ་ཐོབ་བོ།།
137b3 དེ་ནི་འགྲེང་དང་ཞར་བ་དང་།། སྨད་དང་མ་རུངས་མི་འགྱུར་གནས།། གང་དང་གང་དུ་སྐྱེས་པར་ཡང་།། མཚན་རྣམས་ཀྱིས་ནི་བརྒྱན་པར་འགྱུར།། སེམས་ཅན་དབུལ་པོ་རྣམས་མཐོང་ན།།
137b4 ནི་ནོར་གྱིས་སྡུད་པར་བྱེད།། དེ་ནི་ནོར་དང་ལྡན་འགྱུར་ཞིང་།། དེ་ནི་བྱང་ཆུབ་སྤྱོད་པ་སྤྱོད།། བློ་གྲོས་ཆེན་པོས་ས་འདི་ཀུན།། ཡོངས་སུ་བཏང་བ་བྱས་ནས་ཀྱང་།། དམན་པའི་སེམས་སུ
137b5 མི་འགྱུར་ཞིང་།། དེ་ནི་ནམས་ཀྱང་འཕོངས་མི་འགྱུར།། གང་དག་བྱང་ཆུབ་མངོན་ཞུགས་པ།། དེ་དག་བུ་དང་བུ་མོ་དང་།། ཆུང་མ་དགེ་ཞིང་བཟང་མོ་དག། གཏང་ནས་མྱ་ངན་བྱེད་མི་འགྱུར།།
137b6 དེ་ནི་སྔོན་དུ་འགྲོ་འགྱུར་ཞིང་།། བཀྲི་བ་མེད་ལ་མཐོང་ན་དགའ། ཕྲག་དོག་དང་ནི་ང་རྒྱལ་གྱིས།། ནམས་ཀྱང་དེ་ལ་གནོད་མི་འགྱུར།། གང་དག་བྱང་ཆུབ་རབ་ཞུགས་པ།། དེ་དག་ཕྲག
137b7 དོག་མེད་ཅིང་དེས།། བཟོད་པའི་ཕ་རོལ་ཕྱིན་པར་འགྱུར།། ཕྲན་པ་འདོད་ཅིང་ཡོན་ཏན་ལྡན།། གང་དག་བྱང་ཆུབ་མངོན་ཞུགས་པ།། འཇིག་རྟེན་ཀུན་ན་དེ་རིན་ཆེན།། དེ་དགའ་བྱུང
iiif viewer powered by OpenSeadragon
