| e-texts navigator |
| Wylie |
136b1 གཉིས་མཆོག་ལ་མཆོད་བྱས་ན།། དེ་ནི་ཚེ་རབས་ཐམས་ཅད་དུ།། ཆགས་པ་མེད་ཅིང་ཞེ་སྡང་མེད།། བཀྲམ་པ་མེད་ཅིང་དབང་པོ་བསྡམས།། མཆོད་རྟེན་འཕྲེང་བ་འབྲལ་བྱེད་པ།། ཚེ་རབས་རྩེ།
136b2 བ་སྟོང་རྣམས་དང་།། ཁྲག་ཁྲིག་དག་ནི་བརྒྱ་བགྲངས་པ།། ཀུན་ཏུ་བཀུར་སྟིར་བྱས་པར་འགྱུར།། མཆོད་རྟེན་འཕྲེང་བ་འབུལ་བྱེད་པ།། དེ་ནི་འཁོར་ལོས་སྒྱུར་བར་འགྱུར།། བརྒྱ་བྱིན་ལྷ་ཡི་དབང་ཕྱུག
136b3 འགྱུར།། ཚངས་པའི་འཇིག་རྟེན་ཚངས་པར་འགྱུར།། འཇིག་རྟེན་མགོན་པོ་སྐྱོབ་པ་ལ།། དར་གྱི་དབུལ་བ་ཕུལ་བྱས་ན།། ལྷ་ཡི་དག་དང་མི་རྣམས་ཀྱི།། དོན་རྣམས་ཐམས་ཅད་གྲུབ་པར་འགྱུར།།
136b4 དམའ་བའི་རིགས་ནི་རྣམ་སྤངས་ཏེ།། དེར་ནི་དེ་སྐྱེད་འགྱུར་མ་ཡིན།། ཕྱུག་ཅིང་ནོར་ཆེན་ལྡན་པ་དང་།། འཇིག་རྟེན་དབང་ཕྱུག་དེ་འགྱུར་རོ།། དེ་བཞིན་གཤེགས་ལ་མཆོད་བྱས་ན།། གཟུགས
136b5 དང་དོན་དང་ལོངས་སྤྱོད་དང་།། ཁ་དོག་དང་ནི་འབྱོར་པ་དང་།། ཀུན་ཏུ་གྲགས་དང་ལྡན་པར་འགྱུར།། དེ་ནི་ཚེ་རབས་དྲན་འགྱུར་ཞིང་།། འདོད་ཆགས་ཀྱིས་ཀྱང་འཕྲོགས་མི་འགྱུར།། འདོད་པ
136b6 རྣམས་ཀྱི་སྐྱོན་ཤེས་ཤིང་།། ཚངས་པར་སྤྱད་པ་སྤྱོད་པར་འགྱུར།། དེ་བཞིན་གཤེགས་པ་མཆོད་བྱས་ན།། གཟུགས་རྣམས་དང་ནི་སྒྲ་དག་དང་།། རོ་རྣམས་ཀྱིས་ཀྱང་མི་ཚུགས་ཤིང་།།
136b7 སྡིག་པའི་ལས་ནི་བྱེད་མི་འགྱུར།། རྣམ་པར་འདྲེན་པ་མཆོད་བྱེད་ན།། དེ་ནི་སྤོས་དང་མེ་ཏོག་གིས།། ནམས་ཀྱང་འཕོངས་པར་མི་འགྱུར་ཞིང་།། དྲན་ལྡན་ཤེས་རབ་ལྡན་པར་འགྱུར།། དེ་བཞིན
iiif viewer powered by OpenSeadragon
