| e-texts navigator |
| Wylie |
133b1 མྱུར་དུ་དད་པ་ཐོབ་འགྱུར་ཞིང་།། ཆོས་དོན་ཇི་བཞིན་མཁས་པར་འགྱུར།། ཚོང་དཔོན་ཁྱིམ་དང་རྒྱས་པ་དང་།། ཕྱུག་པོ་རྣམས་སུ་སྐྱེ་བར་གྱུར།། དཔའ་ཞིང་སྦྱིན་པའི་བདག་པོར་འགྱུར།། གཏོང་བ་བཏང་ཞིང་།
133b2 སོར་སྣ་མར།། འཛམ་བུའི་གླིང་ན་གང་ཡང་རུང་།། ཁྱད་པར་ཅན་གྱི་རིགས་མཛེས་པ།། དེར་ནི་བརྟན་པ་དེ་སྐྱེ་སྟེ།། དམའ་བ་དག་ནི་རྣམ་པར་སྤངས།། མཆོད་རྟེན་བསྐོར་བ་བྱས་ན་ནི།། སྐྱེ་བ་ཐམས
133b3 ཅད་ཀུན་ཏུ་ཡང་།། དབང་ཆེར་གྲངས་པའི་ཁྱིམ་བདག་དང་།། དཔལ་དང་གཟི་བརྗིད་གཟི་ལྡན་འགྱུར།། བྲམ་ཟེ་སཱ་ལ་ཚེ་འདྲ་དང་།། ཚུལ་ཁྲིམས་ལྡན་ཞིང་མང་ཐོས་དང་།། རྒྱལ་རིགས་སཱ་ལ
133b4 ཆེན་འདྲ་དང་།། ཕྱུག་ཅིང་ནོར་ཆེན་ལྡན་པར་འགྱུར།། རིས་བསྐོར་རྒྱ་མཚོ་ཚུན་ཆད་ཀྱི།། ས་ཀུན་ལ་ནི་གང་སྨོན་པ།། གླིང་བཞི་དག་གི་དབང་ཕྱུག་བླ།། རྒྱལ་པོ་ཆོས་དང་ལྡན་པར་འགྱུར།
133b5 འཁོར་ལོས་སྒྱུར་བ་རྫུ་འཕྲུལ་ཆེ།། རིན་ཆེན་བདུན་དང་ལྡན་པར་འགྱུར།། རྒྱལ་སྲིད་གནས་ནས་སངས་རྒྱས་ལ།། ཡང་དང་ཡང་དུ་བསྟི་སྟང་བྱེད།། འདི་ནས་ཤི་འཕོས་མཐོ་རིས་སུ།།
133b6 སོང་ནས་སངས་རྒྱས་བསྟན་ལ་དང་།། ལྷུན་པོའི་ཟོམ་གྱི་དབང་ཕྱུག་པོ།། ལྷ་ཡི་དབང་པོ་བརྒྱ་བྱིན་འགྱུར།། ལྷ་དབང་ཤིན་ཏུ་འཐབ་བྲལ་དང་།། དེ་བཞིན་དུ་ནི་དགའ་ལྡན་དང་།། ལྷ་དབང
133b7 ཤིན་ཏུ་འཕྲུལ་པ་དང་།། དབང་སྒྱུར་འཇིགས་པ་མེད་པར་འགྱུར།། མཆོད་རྟེན་བསྐོར་བ་བྱས་ན་ནི།། དེ་ནི་ཚངས་པའི་འཇིག་རྟེན་དུ།། ཚངས་པའི་དབང་ཕྱུག་མཁས་འགྱུར་ཞིང་།། ལྷ་རྣམས་བྱེ་བས་མཆོད་པར
iiif viewer powered by OpenSeadragon
